Lumir Abdixhiku do të vazhdojë të jetë në krye të Lidhjes Demokratike të Kosovës. Në Kuvendin e Jashtëzakonshëm të partisë, nisma për shkarkimin e tij ka dështuar pas numërimit të votave të delegatëve.Në procesin e votimit morën pjesë gjithsej 322 delegatë. Nga rezultatet përfundimtare, siç ka mësuar Insajderi 170 delegatë votuan kundër shkarkimit duke i dhënë mbështetje Abdixhikut, ndërsa 152 delegatë votuan për largimin e tij nga posti i kryetarit.
Ky proces i zhvilluar me dyer të mbyllura për mediat pason një periudhë me përplasje të forta brenda lidershipit të partisë, por që në fund konfirmoi qëndrimin e Abdixhikut në krye të LDK-së.
Ndërkohë burime nga Prishtina kanë informuar ekskluzivisht për portalin Lideri.mk nga Shkupi, se me mbijetesën e Abdixhikut, LDK është një hap më afër marrëveshjes për qeverisje me VV-në, sa do që dy tre deputetë mund të mos e respektojnë marrëveshjen./Lideri
Shqip