Zëvendëskryeministri i parë, Izet Mexhiti në një paraqitje publike bëri të ditur se sot kanë hapur dyert e mbyllura të parkingut te Muzeu, transmeton TV21. Mexhiti tha se po i lirojnë hapësirat publike në Çair dhe se po kthejnë në shërbim të qytetarëve.
“Po nisim një projekt shumë të rëndësishëm për zhvillimin e Çarshisë. Po fillojmë pastrimin dhe rregullimin e parkingut nëntokësor që ka kapacitet për 60 vetura dhe gjendet në Qendrën Konservatore në Muzeun e Maqedonisë. Gjithashtu do të pastrojmë dhe do të rregullojmë edhe hapësirën e hapur për parkim me kapacitet edhe për 60 vetura. Brenda 10 ditëve parkingu do të jetë funksional dhe në shërbim të vizitorëve dhe të esnafëve të Çarshisë, punëtorëve të dy institucioneve të Muzet të Maqedonisë dhe Qendrës Konservatore”, deklaroi zëvendëskryeministri i parë, Izet Mexhiti.
Shqip