Më 14 tetor 2025, rreth orës 23:15, zyrtarë policorë nga Departamenti Policor i Tearcës kanë privuar nga liria një 38-vjeçar nga një fshat i Tetovës, i dyshuar për ngacmim seksual ndaj vajzës së bashkëshortes së tij, 21-vjeçare.
Sipas informacioneve të para, i dyshuari për një periudhë të gjatë kohore e kishte shqetësuar të renë, duke i dërguar fotografi me përmbajtje eksplicite dhe duke i kërkuar marrëdhënie seksuale në këmbim të pagesës.
Personi është ndaluar në stacionin policor të Tearcës, ndërsa pas dokumentimit të rastit, ndaj tij do të ngrihet kallëzim përkatës penal.
Policia po vazhdon hetimet për zbardhjen e plotë të rastit.
Shqip