Shaip Kamberi, bartës i listës së Koalicionit Shqiptar, ka votuar në vendlindjen e tij, në Tërnoc.
Pas votimit, Kamberi ka falënderuar qytetarët që kanë ardhur nga Kosova për të kontribuar në procesin zgjedhor.
“Falënderoj edhe qytetarët që erdhën nga Kosova për ta ndihmuar këtë proces, i cili duhet të jetë demokratik”, ka deklaruar ai.
Kamberi u ka bërë thirrje qytetarëve, duke përfshirë edhe Luginasit që jetojnë në Maqedoninë e Veriut, që të dalin në zgjedhje dhe ta shfrytëzojnë të drejtën e tyre demokratike për të votuar, shkruan portali Lideri.mk.
Siç dihet numër më i madh i qytetarëve me prejardhje nga Lugina në Maqedoninë e Veriut jetojnë në Kumanovë.
Ai iu drejtua jo vetëm banorëve të Tërnocit, por edhe qytetarëve të gjithë rajonit, përfshirë Bujanocin, Preshevën dhe Medvegjën./Lideri
Shqip