Pas Raportit të Vlerësimit të Nevojave për Kapacitetet e Policisë Kriminale të Maqedonisë së Veriut për të luftuar trafikimin dhe posedimin e paligjshëm të armëve të zjarrit, SEESAC zhvilloi një trajnim gjithëpërfshirës të fokusuar në zbulimin e armëve të zjarrit dhe zbatimin praktik të metodologjive të analizës së rrezikut për Policinë Kriminale.
Trajnimi katërditor u mbajt në Shkup nga 16 deri më 19 maj dhe pajisi përfaqësuesit nga Ministria e Brendshme me njohuritë dhe aftësitë e nevojshme për të luftuar efektivisht trafikimin dhe mbajtjen e paligjshme të armëve të zjarrit dhe rriti aftësitë operacionale të autoriteteve të zbatimit të ligjit për të nxitur bashkëpunim më të ngushtë ndërmjet aktorëve përkatës. Një ndër udhëheqësit dhe pjesëmarrësit më aktiv ka qenë Fatmir Bardhi, kryeshef i Sektorit për luftë kundër armatimit ilegal në Maqedoninë e Veriut. Në trajnim kanë marë pjesë policë nga Sllovenia, Kroacia dhe vende tjera të BE-së.
Trajnimi përfshinte një komponentë teorike, pasur nga ushtrime praktike që synonin rritjen e ekspertizës praktike të pjesëmarrësve.
SEESAC ka qenë aktivisht i përfshirë në mbështetjen e luftës kundër posedimit dhe trafikimit të paligjshëm të armëve të vogla dhe të lehta në të gjithë Evropën Juglindore. Nëpërmjet aktiviteteve të saj, ajo synon të forcojë kapacitetet e agjencive të zbatimit të ligjit në rajon, duke kontribuar për sigurinë e përgjithshme në rajon.
Trajnimi u organizua me mbështetjen e BE-së të siguruar përmes Vendimit të Këshillit të BE-së 2019/2111 në mbështetje të aktiviteteve të kontrollit të armëve në Evropën Juglindore dhe përforcon përkushtimin e Maqedonisë së Veriut për të luftuar trafikimin dhe posedimin e paligjshëm të armëve të zjarrit.
