Pa kaluar as 24 orë nga “vetëpërjashtimi” i Blerim Bexhetit nga BDI, zv/Kryeministri i parë, Artan Grubi ka inspektuar punimet në ndërtimin e poliklinikës në Saraj, komunë bastion e “Grupit të Zjarrit”.
Grubi tha se objekti i poliklinikës së shpejti do ti dorëzohet Ministrisë së Shëndetësisë.
“Pas përfundimit të projektit të ndërtimit të poliklinikës në Saraj, me asfaltimin e rrugës rreth objektit përfunduan edhe punët shtesë nga aneks kontrata e që nuk ishin paraparë në projektin bazë. Javën para nesh, objekti i dorëzohet Ministrisë së Shëndetësisë, ndërsa edhe pajisjet janë të siguruara tashmë”, tha Grubi.
Grubi në këtë inspektim ishte i shoqëruar nga deputeti i zonës, Arben Ziberi dhe koordinatori i caktuar për Saraj, Rafiz Haliti, ndërsa nuk u pa kryetari i komunës, Blerim Bexheti.
Kujtojmë qe në mbledhjen e kryesisë partiake, BDI njoftoi se ndjen keqardhje për vetëpërjashtimin e 5 anëtarëve të saj.
