Zëvendëskryeministri i parë, Artan Grubi, shoqëruar nga kolegë ministra dhe personalitete politike nga Bashkimi Demokratik për Integrim, vizituan sonte Këshillat vendor Fehmi Lladrovci dhe Luan Haradinaj në Çair.
Grubi pas takimeve me qytetarët ka shkruar në faqen e tij zyrtare në Facebook se BDI në dy dekada veprimtari ka relizuar idealet kombëtare të shqiptarëve, mision ky i cili do të plotësohet tashmë dhe me kryeministrin e parë shqiptarë.
Kurse kryetari i Lëvizjes Demokratike, Izet Mexhiti, thotë se posti i kryeministri teknik në RMV, nuk është ndonjë arritje e madhe për shqiptarët.
“Shqiptarët në Mal të Zi janë 5% dhe patën një kryeministër politik, nuk është ndonjë e arritur. Historikisht kemi patur edhe kryetar shteti në ish-Jugosllavi. Tanimë ka një simbolikë, por ky nuk është kryeministër politik, por kryeministër teknik dhe organizator i zgjedhjeve, asgjë më tepër. Më tepër është bërë lëvizja që nëse ngatërrohen procedurat ligjore apo afatet mos të vjen puna që kryetari i parlamentit të jetë edhe kryetar shteti, por të fuzionohen dy postet. Më tepër është bërë si kërkesë e LSDM-së. Sido që të jetë është një lëvizje simbolike. ne do ta përkrahim vetëm për shkak të simbolikës, por nuk presim asgjë vec pasurimit të karrierës së zotit Xhaferi”, tha Mexhiti për gazetën LAJM.
