Intervistë e plotë ekskluzive e Sekretarit të Përgjithshem të BDI-së Arbër Ademi dhenë Gazetës Lajm me gazetarin Fejzi Hajdari
G: Përshëndetje miq të Gazetës Lajm dhe Lajm TV, mirësevini në intervistën e radhës, ku mysafir e kemi sekretarin e përgjithshëm të BDI-së, Arbër Ademi.
G: Safe City nuk po zbret nga aktualiteti i fundit. Kemi lloj-lloj vlerësimesh nga ju si opozitë dhe nga VLENI si pjesë e Qeverisë. Përderisa ata i mbrojnë këto masa, ju keni një qëndrim ndryshe, cila është e vërteta, cili është vlerësimi i partisë tuaj?
ARBËR ADEMI: I gjithë opinioni e dinë që BDI nuk ka dhënë mbështetje në Kuvend me votë konkrete që të miratohet një ligj i tillë, kemi pasur dilema që në fillim, kemi ngritur çeshtje që është dashur të adresohen në këmbim të mbështetjes sonë. Çështja e parë ka qenë që një zbatim i tillë i masave për sigurinë në komunikacion të jetë i implementuar në tërë territorin e shtetit, jo vetëm në disa qytete. Jo vetëm në Kumanovë, Shkup dhe Tetovë. Çështja e dytë ka qenë vetë-implementimi i obligimit ligjor për dy-gjuhësi. Çështje e cila edhe sot, para se të vi këtu në emision te ju, mua më erdhi dënimi apo vërejtja për këtë moment, sepse dënimet fillojnë nga 1 shkurti, vetëm në gjuhën maqedonase. I kemi parë edhe tabelat e ndryshme, të cilat paralajmërojnë se gjithë rruga është në mbikëqyrje të kamerave, janë gjithashtu në gjuhën maqedonase. Poashtu çështja e tretë e cila është e natyrës teknike, e cila tangon çdo qytetar ka të bëjë me harmonizimin e sinjalistikës. Pra kemi një mos-harmonizim. Për shëmbull kemi paralajmërim që shpejtësia maksimale të jetë 70, ndërsa do duhej të jetë 50. Ju si qytetarë, nëse vozisni 60 do ju vjen dënimi. Pra, edhe kështu raste ka në praktikë. Çka e kanë konfirmu edhe ekspertë të ministrisë së punëve të brendshme, që duhet një harmonizim i sinjalistikave në tërë territorin e vendit. Prandaj, duke dashur që mos lihet përshtypja e një ligji diskriminues, i cili diskriminon vetëm qytetarët e 3 qyteteve, ndërsa e qytetarët e qyteteve tjera të mbarë territorit shtetëror të mos i nënshtrohen një mase të tillë ligjore. Ne nuk kemi dhënë mbështetjen tonë dhe sigurisht këtë e kemi thënë në mënyrë të hapur para mbarë opinonit.
Parimisht, që në fillim kemi thënë po, mirëpo me këto çështje të cilat do të duhet të adresohen. Ato nuk u adresuan nga pushteti aktual, dhe sigurisht mbështetjen tonë nuk e mori ligji.
G: A i keni bë analizat e nevojshme se pse pikërisht ky sistem i sigurisë për qytetarët, pse po testohet në këtë periudhë vetëm në këto tre qytete, të cilat sapo i përmendet. Cili mund të jetë qëllimi, sepse për absurditete kemi fol edhe në emsione tjera.
ARBËR ADEMI: Është shumë e vërtetë, prandaj kemi thënë që duhet të ketë harmonizim të sinjalistikës. Sinjalistikë adekuate, është një prej çështjeve që e kemi ngrit që në fillim. Këto shqetësime janë ngritur nga qytetarë të ndryshëm. Duke filluar nga cenimi i privatësisë, për arsye se çdo gjë fotografohet, filmohet brenda në veturë. Dhe çdo gjë tjetër. Deri te diskriminimi. Prandaj, edhe këto çështje nga ana jonë janë ngritur. Çështje të tilla janë ngritur edhe nga vetë opinioni, nga qytetarët. Shohim që ka një revoltë të theksuar. Nëqoftëse jemi për sigurinë e qytetarëve, atëherë duhet të jemi për sigurinë e të gjithë qytetarëve, jo vetëm në tre qytete. Por në tërë territorin e vendit. Ndoshta do duhej të ishte një pilotim i një mase të tillë në këto 3 qytete, derisa të bëhen gati edhe qytetet tjera, pastaj të implementohet njëkohësisht në tërë territorin e shtetit.
Mirëpo, për fat të keq pushteti aktual nuk i dëgjoj këto vërejtjet tona, dhe dilemat. Të cilat janë të karakterit substancial dhe që nuk cenojnë sigurinë e qytetarëve, komunikacionit, mirëpo shoshisin argumentet të cilat me të drejtë nga opinioni ngriten. Pse në këto tre qytete? A po cenohet privatësia, a po diskriminohen qytetarët e një regjioni të caktuar. Po edhe cilat janë intencat e fshehta që mund MPB-ja, përmes një sistemi të tillë të sigurisë, eventualisht të keqpërdor edhe të dhënat e qytetarëve.
G: Edhe ASH-ja e Taravarit, njësoj si para disa ditëve e zotit Sela, e kanë ankimu ligjin me të cilin hyn në fuqi edhe Safe City. A pritet një gjë të tillë ta bëni edhe ju parti?
ARBËR ADEMI: Një nga anëtarët e këshillit të përgjithshëm të BDI-së, të njëjtën ditë kur zoti Sela ka dorëzuar proces për vlerësim të kushtetutshmërisë dhe ligjshmërisë së safe city, e ka bërë edhe ai, bëhet fjalë për Ylli Paçukun. Zoti Paçuku që nga e hena, e ka dorëzu një iniciativë të tillë. Dhe nuk është çështje e shumësisë së iniciativave, sa është çështje e përmbajtjeve, se cilat janë bazat që e atakojnë ligjin, i cili mundëson implementimin e saj.
G: Nëse merren në shqyrtim nga Gjykata Kushtetuese, a jeni optimist se do të ndryshohet diçka në të mirën e qytetetarëve.
ARBËR ADEMI: Duke e pasur parasysh se si po vendoj GJK, prej se është formu kjo qeveri monoetnike, pa legjitimitet etnik, nuk na bën që të jemi optimist. Nuk na bën duke filluar prej shfuqizimit të balancuesit, pa kurrëfarë argumenti profesional, pastaj disa tentativa për shfuqizim të ligjit për gjuhën shqipe, madje vetë jeni dëshmitar se në media edhe referati i cili ishte përgatitur për 11 dhjetorin e vitit 2024, 75 faqe referat. 18 dispozita përgatiteshin që t’i shfuqizojnë nga ligji për gjuhën shqipe. Nuk do të kishte ligj për gjuhën shqipe, s’do të kishte gjuhë shqipe zyrtare. Jemi dëshmitar që edhe pse kemi një ligj të tillë, detyrim ligjor për t’u respektu. Pushteti nuk e respekton. Edhe për safe city, edhe kumtesat të cilat ju vijnë nga ministra përkatës, që edhe publikisht nuk kanë hezituar të thonë i lëshojmë vetëm maqedonisht, ata të cilët kanë interes t’i marrin në gjuhën shqipe, le të na drejtohen. Që e bëjnë edhe një pengesë shtesë, në drejtim të arritjes së informacionit thelbësor. Po pastaj shfuqizimi i legalizimit të medresesë Isa Beu nga Gjykata Kushtetuese, pastaj zvogëlimi i numrit të këshilltarëve. Që ishte veprim kontradiktor, i vetë Gjykatës Kushtetuese me një vendim paraprak të saj, që e kishte marrë 1 muaj më herët. Ku GjK thotë nuk guxon që të ketë kategorizim rezident dhe jo-rezident, të gjithë janë shtetas të RMV-së, të gjithë gëzojnë të drejta që ua njeh rendi politik dhe juridik i vendit. Pas një muaji e gjysëm e fshinë diasporën. Madje, tani informacionit e fundit flasin edhe për hapjen e lëndëve të caktuara të cilat kanë të bëjnë me emërtimin e rrugëve nga viti 2005-2006-2007 që kjo Gjykatë Kushtetuese i ka hapur tani për të vlerësuar kushtetushmërinë dhe ligjshmërinë. Në vend që të merren me çështje të rëndësishme, që me të vërtetë ka të bëjë me ndeshje të kushtetutës e ligjit, ata merren me çështje të tilla, me tendencën për të hapur tema të mbyllura, të kahmotshme.
Dhe ju e dini që kur bëhet fjalë për çështje të karakterit etnik, aty ndahen gjyqtarët në linja etnike, si në vitet 90-ta, para viteve 90-ta me mbivotim etnik. Gjyqtarët maqedonas në njërën anë, dy gjyqtarë shqiptar dhe një turk në anën tjetër. Dhe këta të komunitetit jo-maqedonas, po mbivotohen, po majorizohen. Atë mbivotim të cilin nuk mund ta realizojnë sot në organet e pushtetit shtetëror, nuk mund ta realizojnë në Kuvend, në këshillat komunal, as në qeveri se për çështje të caktuara aty vendimet merren me koncensus, por nëqoftëse thehet koncensusi lëshohet qeveria, ata po e realizojnë përmes GjK. Edhe paramendojeni, prandaj prej këtu buron kërkesa jonë, edhe nga Kongresi i 20 dhjetorit i BDI-së, që të gjitha aktet të cilat janë miratuar me shumicë të dyfishtë, të miratohen me shumicë të dyfishtë edhe në GjK, edhe ka një bazë logjike kjo. Nqs e merrni nenin 28, paragrafi 3, i ligjit për referendum. Çka parasheh? Ai parasheh që për ligjet të cilat i sjell kuvendi me shumicë të dyfishtë, fare nuk mund të shpallet referendum, fare nuk mund të vendosin qytetarët me referendum. Paramendojeni. Qytetarët përmes referendumit mund të vendosin për ndryshim të kufijve, për bashkim apo ngjitje më ndonjë shtet tjetër, por nuk mund të vendosin për ligje të cilat janë sjellur me shumicë të Badenterit. Cila është logjika, është që të evitohet majorizimi. Sepse ai majorizim na solli 2001-shin. E tash qëtetarët me referendum nuk mund të prononcohen për një çështje të tillë, por gjashtë gjyqtarët maqedonas PO. Ku është logjika që ato akte të cilat i sjellim me Badenter, të shfuqizohen pa Badenter. I gjithë ai investim, kapital politik, ato negociata, ai proces inkluziv të cilët e shoqërojnë një akt të caktuar ligjor, që sillet me Badenter, harxhohen energji, muaj, kohë, shpenzime që në fund gjashtë gjyqtarë, pa kurrëfarë argumenti profesional, se po të kishin argument profesional, do e kishim pranu, po pa kurrëfarë argumenti profesional vendosin për abrogimin e ndonjë akti ligjor që është sjellë me shumicë të dyfishtë. Prandaj kjo është kërkesa jonë, si BDI, që mos të ketë majorizim në GjK, të ketë shumicë të dyfisht, jo për të gjitha çështjet, por për ato akte për të cilat është vendosur me shumicë të dyfishtë. Pra janë disa prej temave të cilat i ka hapur GjK. Dhe që na bën që të revoltohemi për arsye se nuk ka argumente profesionale. Gjykata Kushtetuese është shndërruar në një institucion parapolitik, që çon agjendën e VMRO-DPMNE-së përpara, të cilët votojnë vetëm me diktat politik. Pa kurrëfarë argumenti. Duke patur sfondin e juristi ligjerues në Universitetin e Tetovës, në fakultetin juridik, uroj që të jemi gjallë e sheëndos që ta shohim dhe do të jemi dëshmitar se atë çka ka vendos GjK, veçanërisht për rastin e Balancuesit, do të studiohet, do të analizohet, jo vetëm nga studentët në të ardhmen, po nga analet e drejtësisë botërore, se si një isntitucion kaq i rëndësishëm, siç është GjK, pa kurrëfarë argumenti profesional, por me diktat partiak, vendos për një çëshjte të tillë kaq sensisitive. Është qersharake. Paramendojne, gjK thotë aty se është absolvuar nevoja e përdorimit të balancuesit për punësime dhe avansime. Ju lutem, GjK nuk është aty, nuk e ka për mandat vlerësimin se është absolvuar nevoja apo jo që të kemi përfaqësim të drejtë dhe adekuat, apo flet për keqpërdorimet e balancuesit. GjK nuk është aty për të dhënë vlerësime, se a keqpërdoret një normë e caktuar ligjore apo jo, mandati i tyre është i qartë, kristal i qartë, ato duhet të vlerësojnë vetëm kushtetutshmërinë dhe ligjshmërinë. Përkundër amendamentit të 6-të Kushtetutës, i cili thotë përfaqësim i drejtë dhe adekuat i të gjithë qytetarëve, i bashkësive etnike në të gjitha organet e pushtetit shtetëror. Kështu thotë. Përkundër këtij amendamenti 6 që buron nga Marrëveshja Paqësore e Ohrit, sot i ikorporuar në Kushtetutën e vendit, këta thonë sot me fjalë të tjera është absolvu nevoja e përfaqësimit të drejtë dhe adekuat, është absolvu nevoja e balancuesit, po keqpërdoret, jashtë mandatit të tyre, nuk është çështje e tyre. Nëse dikush bën keqpërdorim ligjor përgjigjet. Mos të harrojmë se ky mekanizëm, nga 0.2% na solli në 23.8%. A ka pas keqpërdorime, ka pasur, jemi dëshmitarë, por ato përbëjnë përjashtime, se t’kishte qenë keqporimi i rregullt, atëherë ne nuk mund ta rrisnim nga 0.2 në 23% të arrijmë. Gjatë rrugës ka pasur keqpërdorime, kemi ngritur në qeveri këtë problem, madje ministri Lloga gjatë qeverisjes me ne propozoj rregullore aso kohë kur në certifikatën e lindjes duhet të ketë grafë për përkatësi etnike dhe ju e dini se kur konkuroni për një vend pune, 6 muaj më të re duhet ta keni certifikatën e lindjes dhe të shtetësisë, dhe duhet të shënojë se përkatësie etnike ke. Nqs ju dëshironi ta ndrroni përkatësinë etnike, OK, lejohet, mundet, si religjionin, si emrin personal. Por duhet ta ndjekni njëfarë procedure institucionale, jo për kurrëfarë procedure zyrtare dhe institucionale. E njëjta GjK, jo për vërejtje përmbajtësore, por për vërejtje formal ministrit Lloga ia analoj rregullore sepse brenda tetë ditëve nuk është publikuar në gazetën zyrtare. A e dini se sot sa ligji, ligji jo aktet nënligjore, edhe sot e kësaj dite publikohen përtej afatit tetë ditor. A e dini se më herët njëri nga profesorët juridik këtu të Justiniani i parë në Shën Kirili dhe Metodi, ka humbur lëndë, ai ka kërkuar që të shfuqizohet një akt i caktuar, se brenda tetë ditëve nuk është publikuar në gazetë zyrtare, e ka humb lëndën. Pra për të njëjtën, GjK vendos në mënyrë diametralisht ndryshe. Mënyrë kundërthënëse. Ku po shkojmë ne, a do duhet të mendojmë të reflektojmë si qytetarë të këtij vendi, se çfarë institucionesh kemi, çfarë njerëz na përfaëqsojnë, ku është kredibiliteti i tyre profesional, ku është kredibiliteti i tyre moral, që janë betuar se do të respektojnë kushtetutën dhe ligjin, kur e kanë marrë mandatin janë betuar, ndërsa atë betim e shkelin në çdo hap. Vetëm e vetëm për të na kthy neve shqiptarëve para vitit 2001. Për të na mbivotu. Për të na majorizu. Për na e tregu vendin apo siç thonë disa ata analistët e tyre, tash është koha e pjesës së dytë të lojës në mes shqiptarëve dhe maqedonasve. Ata e thonë, jo ne. Prandaj ne po themi, ngadalë, se nuk e dini se çfarë dëmi jeni duke i bërë këtij shteti, nuk e dini se çfarë dëmi jeni duke i bërë vendit. Këtu do të duhet një reflektim i thellë edhe mos të lejohen devijime të tilla. Për të mos lejuar do duhet çelësi i shumicës së dyfishtë për aktet e sjellura me shumicë të dyfishtë edhe në GjK. Po e rikthesoj edhe një fjali të fundit sa i përket GjK, se opinioni nuk është i njoftuar, s’besoj se edhe ju jeni të njoftuar me të gjitha temat është duke i hapur GjK, i ka në proces. Këtu shihet një tendencë e qartë, shihet një tendencë e qartë për të deformuar Marrëveshjen e Ohrit, për ta deformu gjithë sistemin politik të vendit. Po duke tentuar që të na bëjnë neve dëm, janë duke i bërë dëm edhe vetvetes. Pse? Se të ligji për balancuesin, paramendoni, ekziston obligim ligjor i çdo insitucioni që të mos i identifikojë në bazë të etnisë qytetarët të cilët i ka të punësuar, pra asnjë institucion nuk ka të drejtë më të na identifikojë në bazë të përkatësisë etnike, dhe pas këtyre vendimeve skandaloze, a e dini cilin dëm e kanë bë, duke tentuar neve të na bëjnë dëm, sot nuk ka asnjë institucion, asnjë dokument zyrtar që do të provoj se X personi është maqedonas, apo Y personi është shqiptar. Pra shqiptarëve ua kanë mohu, por edhe vetvetes ia kanë mohu një të drejtë të tillë. S’ka asnjë dokument, s’ka asnjë institucion që lëshon një dokument të tillë. Që një X person është i kësaj apo asaj përkatësie etnike.
G: Kryeministri Hristijan Mickoski ditë më parë paralajmëroj, se ligji për përfaqësim të drejtë dhe adekuat është gati, ndërkohë që nuk la pa përmendur edhe pjesën tjetër që ishte më kontradiktore, se gjatë punësimit patjetër duhet merret parasysh kriteri i cilësisë. Ju në profilin tuaj ne facebook, keni shkruar, po e citoj: I ashtuquajturi ligj i Karakamishevës për përfaqësim të drejtë dhe adekuat, i hartuar nga VMRO dhe i mbështetur me entuziazëm të pashpjegueshëm nga VLEN, është akt i pastër i regresit politik, a është vërtetë që aq i dëmshëm është ky ligji në krahasim me mekanizmin të cilin ju kohë më parë e kishi aplikuar gjatë procesit të punësimit?
ARBËR ADEMI: Çështja është shumë e thjeshtë. Derisa funksiononte balancuesi kishte kuota etnike. 10 vende pune hapeshin, 3 shqiptarë, 5 maqedonas, 1 turk …. a ishte kështu? Se ato shpallen edhe në gazetën tuaj, konkurset. Prej se u shfuqizua balancuesi, a ka më vende e kuota etnike për bashkësitë etnike, nuk ka. Merrni gazetën tuaj, hapeni, prej shfuqizimit të balancuesit. Kur të miratohet ky ligj, të më mbani për fjale, po e ritheksoj të mbani për fjalë, prap nuk do të ketë kuota etnike, s’ka më kuota etnike.
G: Prandaj e theksova këtë për cilësinë, se aty fshihet djalli.
ARBËR ADEMI: Po cilësia ka ekzistu edhe te balancuesi, mirëpo kuotat etnike kanë qenë aty. Në bazë të cilësisë, ne emër të cilësisë, deri në vitin 2001 ne 0.2 përqind, a aq ne shqiptarët kemi qenë të paaftë që të mos jemi në organet shtetërore, që të jemi 0.2, a aq kemi qenë të paaftë. Sot po e shohim, prej Marrëveshjes së Ohrit, prej këtij balancuesit që na u kanë hap dyert me hy në çdo institucion, në spitale, në insitucione arsimore, shkencore, shëndetsore, të administratës shtetërore. Dhe ne sot, jo vetëm ne, se ne e kemi ditur që kemi njerëz të aftë, por edhe maqedonasit sot i apostrofojnë shqiptarë të cilët janë të zotët. Që nuk dëshiron një mjek tjetër t’i operoj, por mjeku shqiptar. Po mos të kishte qenë ky balancuesi, si do të hynin këto shqiptarë, po të mos kishin qenë këto kuotat etnike, si do të futeshin shqiptarët. Prandaj po them, kur e shfuqizuan balancuesin, shfuqizuan kuotat etnike. Kur të miratohet ky ligji i Karakamishevës, asgjë nga sot që po e them nuk do të ndryshojë, të më mbani për fjale, nuk do të ketë kuota etnike. Cilësia, cilësia si para 2001-shit, 0.2 që na ka mbajt neve edhe mbajnë llogari për përfaqësimin e drejtë dhe adekuat. Si me mbajt llogari për përfaqësimin e drejtë dhe adekuat kur nuk ka kuota etnike, kur nuk ka mekanizëm që e përcjell përfaqësimin e drejtë dhe adekuat, si te balancuesi që tregon sa vende për shqiptarë e maqedonas. Pastaj, si do të ketë përfaqësim të drejtë dhe adekuat, si lajm, edhe që se njihni ndoshta sferën e drejtësisë, kur ekziston obligim për institucionet për mos t’i identifikuar qytetarët në bazë të përkatësisë etnike. S’guxon asnjë institucion me më pyët mua as juve se çfarë përkatësie etnike kemi, si do të kemi përfaqësim të drejtë dhe adekuat? Si do të kemi përfaqësim të drejtë dhe adekuat kur nuk ka asnjë dispozitë sanksionuese. Nuk mund të ketë sanksion kur këto tre të parat nuk ekzistojnë. Është një fjalë në letër, letra duron gjithçka, por gjendja reale nuk do të ndryshojë asgjë. Të më mbani për fjale, nuk po flas këtu sot vetëm si sekretar i përgjithshëm i BDI-së, po flas edhe si profesor i drejtësisë i cili edukon e formon profesionalisht breza të tërë në UT, nga viti 2009 e këndej, pra janë bë më tepër se 17 që jam në fakultetin juridik, jo rastësisht dhe një nga anëtarët e grupit punues të këtij ligji, shqiptar, një profesor doli publikisht kundër këtij ligji. Karakamisheva e ka shkruar. A pritni ndonjë ligj të mirë nga zonja Karakamisheva. Sigurisht që jo. Qytetarët e dijnë. Unë do doja që zonja Karakamisheva të kishte reflektuar, por jo. Ligjin, draftin që e kam analizuar unë me një ekip të tërë brenda BDI-së. Na dërgon në këto konkluzione. Që ta thjeshtësojmë, si me ketë ligj, si pa këtë ligj situata nuk ndryshon fare. S’ka kuota etnike, s’ka përfaqësim të drejtë dhe adekuat, edhe kështu do të jemi, siç jemi sot, siç kemi qenë para vitit 2001. Tjetër kur shënon në ato konkurset, 6 vende të rezervuara për shqiptarë, për turq, për rom, për boshnjakë, për maqedonas. Këtu më nuk ka.
G: Realisht gjatë periudhës tuaj kur keni qenë në pushtet ka pasur raste kur në emër të kuotave të cilat janë caktu për shqiptarët, janë punësuar maqedonas duke u deklaruar si shqiptarë.
ARBËR ADEMI: Edhe anasjelltas ka pas. Unë e thash. A ka pasur situata të caktuara, të izoluara të keqpërdorimit. Ka pasur. Mirëpo nqs nuk do të funksiononte ky mekanizëm nuk do kishim arrit nga 0.2 në 23%. Ky mekanizëm na solli 23%. Po shihni sot, shihni konkurset të cilët edhe ne si BDI deri para pak kohe i ndjekshim dhe i publikonim rezultatet në bazë të emrave të njerëzve, se sa janë shqiptarë e sa maqedonas. 60 me zero, 52 me zero, 50 me dy e kështu me radhe.
Nqs qytetarët mendonjë ndryshe, unë e respektoj qëndrimin e tyre. Nqs administratorët dhe njerëzit të cilët punojnë në institucione, mendojnë se unë nuk po e them të vërtetën dhe kanë një mendim tjetër, unë do t’ju përulem të gjithë atyre dhe e pranoj mendimin e tyre. Mirëpo neve na kontaktojnë shumë njerëz brenda ditës, të cilët na japin informacione të sakta në çdo institucion se çfarë po ndodh me vlerën kushtetuese të quajtur përfaqësim i drejtë dhe adekuat. Në mënyrë brutale na ka kthyer para periudhës së vitit 2001. Para vitit 2001 na kanë kthy. Këtë nuk e them për politikë, nuk jemi në fushatë, kjo çka na është bërë neve me këtë vendim të GjK për balancuesin, edhe unë kam thënë atëherë, është në të njëjtin rang me tentativën që na bëjnë me gjuhën shqipe. Mos jetë edhe më e rëndësishme kjo e para. Ti nuk të drejtë të deklarohesh, deklarimi yt që je shqiptar. Kërkush s’ta mohon këtu para kamerës suaj të bërtasim që jam shqiptar. Por ajo irrelevante është për në institucion. Pse je shqiptar, pse je i ndonjë i komuniteti tjetër, është irrelevante në bazë të këtij vendimi të GjK.
G: Zotri Ademi, a do të përfshihen bullgarët në Kushtetutë, a do të ketë ndryshime kushtetuese, sepse gjykuar edhe pas deklaratës së sotme të kreut të ekzekutivit Mickoski, jep një përshtypje se më pak është i interesuar për ta nxit, për ta shtyer këtë punë përpara, sa i përket ndryshimeve kushtetuese, që është problematikë e madhe, gur i madh në atë rrugëtimin e shtetit drejt Evropës. Bëj edhe një citat, i kryeministrit Mickoski, nga foltorja e Kuvendit deklaroj se: Nuk do të ketë ndryshime kushtetuese nëse nuk plotësohen dy kushte: Maqedonasit në Bullgari të marrin të drejtat e tyre të garantuara në përputhje me të drejtat ndërkombëtare dhe konventat për të drejtat e njeriut, si dhe të ketë garanci që Maqedonia nuk do të përballet me bllokada dhe obstruksione të reja për arsye subjektive.
ARBËR ADEMI: Për fat të keq, çdo gjë që kemi deklaruar para zgjedhjeve të vitit 2024, çdo ditë po vërtetohet. Fatkeqësisht. Këtu unë shoh edhe rolin e partive politike shqiptare të cilat nqs mund t’i quajmë shqiptare, të cilat janë në qeveri tani. Ato bashkë me ne, përpara zgjedhjeve të 2024 kanë nënshkruar deklaratë që kanë marrë përsipër të gjitha partitë politike që nuk do të ketë qeveri me një parti politike e cila nuk i bën ndryshimet kushtetuese, e cila nuk ka një orientim të qartë evropian. Të gjithë janë zotuar! Pastaj, përfaqësuesit e VLEN-it thanë nuk do të ketë qeveri pa ndryshime kushtetuese gjatë fushatës. “Mos e keni merak” e relativizonin, ka kush kujdeset. Nuk do të ketë qeveri pa ndryshimet kushtetuese e kështu me radhë. Pastaj thanë brenda 3 muajve do të inicohet procesi, sa të kryhen zgjedhjet në Bullgari, do të inicohet procesi. Pastaj thanë brenda 6 muajve, edhe u kry kjo punë. 2 vite u bënë. Asnjë N prej ndryshimeve kushtetuese nuk kemi. U futën në qeveri me një mashtrim të madh se do të bëhen këto ndryshime kushtetuese dhe këto nuk janë vetëm në të mirën e shqiptarëve, por integrimi evropian është në të mirën e të gjithë qytetarëve. Tash mundëmi me fol edhe prej përvojës sime personale. Unë kam qenë në grupin punues për hartimin e ndryshimeve kushtetuese. Ato ndryshime të cilat i proceduan në Kuvend, në 2023, pjesë e hartimit të atyre ndryshimeve, formalisht kam qenë edhe unë si përfaqësues i BDI-së. Asgjë të keqe nuk ka. Madje unë shoh benefit te bashkëqytetarët tanë maqedonas nqs i procedojnë dhe miratojnë këto ndryshime kushtetuese. Nqs më herët politika e institucioneve bullgare thoshin se bëhet fjalë për të njëjtin komb, të njëjtin popull, por që jeton në dy shtete, në Bullgari dhe Maqedoni, edhe ishin ata asokohe që nuk pranonin që të njihet minoriteti bullgar këtu, me këtë arsyetim s’ka komunitet, pse komunitet bullgar, këta që janë maqedonas thonin se janë si ne. Tani është momenti, dje ishte momenti, para 2023, 2022 ishte momenti ku me këto ndryshime kushtetuese njëherë e përgjithmonë të behej distinkcion mes popullit bullgar dhe maqedonas. Ku çelikoset identiteti i bashkëqytetarëve tanë maqedonas. Dhe është dashur shumë punë që të vijë deri te kjo situatë, deri te ky stadium i relacioneve tona me Bullgarinë për t’i bindur ata për të pranuar një gjë të tillë. Dhe fatkeqësisht, kryeministri është konsistent se atë e ka thënë edhe para zgjedhjeve, por këta të VLEN-it e mbulonin me fjalë të bukura, se nuk do të ketë ndryshime kushtetuese. Ne po e shohim që për dy vite s’ka ndryshime kushtetuese. Unë parashtroj një pyetje hipotetike. A do të kishte qeveri pa shqiptarët. Fare. Nqs të gjithë shqiptarët do të ishin distancu nga ky kurs i rrezikshëm i shtetit. Nga ky orientim i rrezikshëm i shtetit. Që përbën devijim nga përcaktimi strategjik i shtetit që është anëtarësimi në BE. Me siguri se po të kishte rezistencë, në këtë drejtim, nga faktori politik shqiptar. Mos të ishin këta që janë sot në qeveri, të kapur nga VMRO-DPMNE-ja, nuk do ta kishim një situatë të tillë. Nqs do të qëndronin stoik me ato qëndrime para zgjedhjeve të 2024, se s’ka qeveri pa ndryshimet kushtetuese, ne deri sot do i kishim kry këto ndryshime kushtetuese. Por fatkeqësisht ka në qeveri njerëz të cilët në bazë të preferencave, jo në bazë të asaj që i ka votuar dikush, nuk kanë fituar zgjedhje, janë në qeveri dhe bëjnë amin të çfarëdo lloji qëndrimi të kryeministrit, për arsye se ata nuk përfaqësojnë asgjë. Ata nuk janë një zë që përfaqëson dikend. Ata përfaqësojnë vetëm veten dhe inetersat e ngushta personale dhe klanore brenda partive të tyre, nëse mund t’i quajmë parti se as parti s’janë. Shembull e marrim Lëvizjen Demokratike, a mundeni ju me m’tregu se kush është nënkryetar te LD-ja? Kush është sekretar i përgjithshëm i LD-së? S’kanë organe. A ju kujtohet zotri Mexhiti derisa ishte në BDI thoshte duhet sa më shpejtë të formohen organet, të punojnë organet, po në në LD katër vite gati që është formu, asnjë organ nuk e di. One man shoë është aty. Kush po na mban ligjerata e leksione morale. Po te Alternativa, kush është nënkryetar? Po të Lëvizja Besa kush është nënkryetar? Kush është sekretar gjeneral të LB? Po te këta Lëvizjet tjera me 3-4 persona, kush është nënkryetar, sekretar, kush janë ata njerëz. Pse po e them këtë, jo për të qenë ironik. Larg asaj. Por dua vetëm kemi këndellje dhe të shkojmë një hap mbrapa dhe të kendjellemi, kush po na përfaqëson, a na përfaqësojnë parti apo individë që mbajnë llogari për vetën, me një klan që janë në gjendje të shesin çdo gjë shqiptare, vetëm për një ditë më tepër të jenë në kolltuqet e Qeverisë. Kjo është dilema. Se për mua, ata le të vazhdojnë, jo këto dy vjet, edhe dy tjera, edhe derisa e gjejnë një trend të tillë, le të vazhdojnë edhe më tepër. Por vetë turpërohen, edhe dëmi që i bëhet shtetit, edhe shqiptarëve në këtë rast është i madh. Janë njerëz pa parti. E kam quajtuar edhe në raste tjera. Janë një lloj Frankenshtajni politik i zotri Mickoskit, i cili do copa i ka bashku, ti quhesh LD, ti Alternativë, ti Besa, ti Lëvizja Arbëria. Hajde të ju bashkojmë, pa organe, pa asgjë, ju jeni përfaqësuesit e shqiptarëve. Nuk e don kështu përfaqësuesi i shqiptarëve. Përfaqësuesi i shqiptarëve duhet të burojë prej poshtë, prej qytetarëve. Nuk është problem pse jemi në opozitë. Unë uroj që BDI të jetë në pozitë si fituese, çdoherë. Mos të vjen puna ta humbim besimin e popullit, këtë nuk e dua për BDI-në. Po pse është BDI në opozitë s’është problem. Në mënyrë të padrejtë, jo ligjore. Amendamentin 6 nëse e analizojmë, dmth: Përfaqësimi i drejtë dhe adekuat i të gjitha bashkësive etnike, në organet e pushtetit shtetëror. Edhe Paul Ëilliams që e angazhuam ne për një analizë për legjitimitetin edhe për vet Marrëveshjen e Ohrit, a e dini se çfarë gjetje ka? Thotë: Ky amendament, pra i 6-ti, te parimi i përfaqësimit të drejtë dhe adekuat nuk është vetëm një parim që do duhet të respektohet gjatë procesit të punësimit dhe avansimit, por edhe në procesin e vendimmarrjes, në organet e vendimmarrjes, sepse fjalët e fundit të këtij amendamenti janë: përfaqësim i drejtë dhe adekuat në organet e pushtetit shtetëror. E këto organe i numëron kushtetuta se cilat janë, është e qeveria. Proces vendimmarrës a kemi në qeveri, po vendime merren në ato mbledhje, krijohen politika. Andaj, kjo jo vetëm që se ka legjitimitetin etnik, por edhe aspektin legal e ka diskutabil, nëse e shikojmë nga prizmi i amendamentit 6. Dhe këta të tjerët, që mos të mërziten, le të rrijnë derisa janë të dobishëm për zotëri Mickoskin kanë me ndejt aty, besoj ashtu, pa kurrëfarë legjitimiteti, pa kurrëfarë partie. Është një lloj Frankenshtajni politik që e ka kriju zotri Mickoski, për nevojat e politikës së tij. Dhe po i hec mirë. Dëme të mëdha sa të duash – shtetit, dëmë të mëdha sa të duash – marrëdhënieve ndëretnike, kohezionit të brendshëm shoqëror sa të duash. Ta shohim, të arrijë një pikë që do të konstatojmë që kjo ka qenë një politikë shumë shumë e gabuar.
G: Pas takimit të kreut të ekzekutivit me liderët, doli lajmi se do të ketë një takim në mes Mickoskit dhe zotrit Ali Ahmeti. Kjo bile me sa e di unë u konfirmua edhe nga partia juaj. Do të ndodh një takim i tillë, dhe çfarë eventualisht do të bisedohet në atë takim?
ARBËR ADEMI: Një gjë e tillë u konfirmua pas takimit të liderëve edhe nga kryetari Ali Ahmeti edhe nga kryeministri Mickoski. U konfirmua se kryetari Ali Ahmeti e tha një gjë të tillë publikisht para gazetarëve, edhe kryeministri Mickoski e tha po të njëjtën publikisht, para gazetarëve. Vetëm për ta sqaru para opinionit: Kur kryetari Ali Ahmeti ka marrë ftesën nga organizatori i takimit, nga zotëri Mickoski, kryeministri, për të organizuar mbledhjen, sigurisht se kemi pasur komunikim të drejtpërdrejtë në mes BDI-së dhe VMRO-së për ta organizuar takimin ashtu siç duhet. Për arsye se takimet e tilla kërkojnë përgatitje, kërkojnë definim të agjendës, definim të rendit të ditës, e mos të jetë takim sa për disa pamje televizive e disa fotografi për opinion. Dhe ata janë njoftuar nga ne, lidhur me temat të cilat janë të rëndësisë etike.
G: Cilat janë ato?
ARBËR ADEMI: Rëndësisë substanciale. Temat të cilat i flasim ne në vazhdimësi. Integrimi evropian, pika e parë. Ku janë ndryshimet kushtetuese. Afat. Ne kemi thënë se ne jemi parti serioze dhe konsistente, kemi thënë edhe pse jemi në opozitë padrejtësisht, ne i mbështesim bllanko ndryshimet kushtetuese. Ne nuk jemi sikur këta që thonë: Jo, nqs na pranohet një ameandament për mos-vjetërsimin e veprave penale, që shpikin tema. Ju kujtohet 2022-2023, këta përfaqësuesit e VLEN-it, vetëm mos t’i votojnë ndryshimet kushtetuese i bën ato, ndërsa sot a i përmendin, janë në qeveri, le t’i ngrisin. Ridefinimi, ju kujtohet mirë. Eja le ta ngrisin atë temë, a guxojnë? Edhe ne, integrimin evropian kërkuam deadline. Qeveria me Badenter, GjK me Badenter, Marrëveshja kombëtare për përparim e zhvillim të qëndrueshëm, që zotëri Ahmeti e përmendi në Kongresin e vet. Kjo Marrëveshja kombëtare për përparim është se nqs ne si shtet kemi treguar kapacitete se mund ta arrijmë Marrëveshjen e Ohrit, të Prespës, për Fqinjësi të mirë me Bullgarinë, eja ta arrijmë një Marrëveshje kombëtare për përparim, për zhvillim ekonomik të qëndrueshëm, për digjitalizim, për inovacione, për politika të qëndrueshme e të gjelbra e kështu me radhe. Të cilat zotëri Ahmeti i ka paraqitur në Kongres. Jo vetëm tema etnike të cilat këta po i hapin, këta po na i hapin, po na rikthejnë prapa, jo ne. Nga ne ka vetëm reaksion ndaj këtyre çështjeve këta po i devijojnë. Edhe për të gjitha këto çështje kanë qenë të njoftuar organizatorët. Takim mendoj se duhet të ketë, edhe do të ketë me një moment të përshtatshëm. Për arsye se takimet e tilla për temat të cilat janë të natyrës jetike dhe substanciale, nuk janë çështje të preferencave momentale individuale. Edhe tekanjoziteteve individuale. Po të kishte mbetur që takimet e tilla të jenë për këto çështje, atëherë ne nuk do kishim parë kurrëfarë takimesh as në të kaluarën në mes të liderëve. Ata nuk ulen aty sepse kanë preferenca e dashni për njëri tjetrin. Por për shkak të domosdoshmërisë së trajtimit të temave me rëndësëi jetike për vendin, organizohen takime të liderëve. Edhe shmangia nga temat e tilla shkon si kontraproduktive për shtetin. Se ne themi Qeveri me Badenter, GjK me Badenter. Këto dy çështje ndikojnë edhe në forcimin e karakterit unitar të shtetit për arsye se nqs se shqiptarët i majorizoni, atëherë shqiptarët do të ndihen si të huaj në këtë vend. Dhe do të paraqiten edhe forca tjera politike që do të ofrojnë alternativa tjera për organizimin e shtetit. Jo kështu siç jemi. Jo me karakter unitar siç jemi. Po me siguri se do të ketë alternativa të tjera. Që jo rrallë janë liferuar në opinion. Prandaj ne si parti politike e përgjegjshme themi, hajde ta forcojmë karakterin unitar të shtetit. Duke respektuar Marrëveshjen e Ohrit, duke respektuar amendamentin e 6-të, duke pasur Badenter në formim të qeverisë, duke pasur Badenter në GjK. Ma thoni, pse BDI-ja duhet të jetë parti serioze politike, pse duhet të jetë parti e reformuar, pse duhet të ketë program të mirë, pse duhet zgjidhjet më të mira kadrovike se oponenti, se edhe po t’i fitojë zgjedhjet, dikush tjetër thotë shumë mirë, ke fitu por spostohu atje. Se nuk je i preferuar i imi. Edhe çfarë situate krijohet? Këtu do të krijohen situata ku elitat politike shqiptare më shumë do të ishin të interesuara për kohabitacion me fituesin potencial te maqedonasit, ta kenë mirë me atë fituesin që po vjen, që të jenë pjesë e qeverisë, sesa për kërkesat reale të qytetarëve. Dhe kështu dalë-ngadalë vjen deri te shkëputja e lidhjes politikan – parti – qytetar. Mirëpo qytetari nuk mbetet i paorganizuar. Populli do të prodhojë një rrymë tjetër, një alternative tjetër politike e cila mund të del edhe me kërkesa radikale. Si rezultat i deligjitimimit të këtyre elitave që janë të interesuara vetëm për kohabitacion me fituesin potencial maqedonas. Prandaj ne themi, si serioz në këto tema. A e doni karakterin unitar të shtetit, ne jemi, por karakteri unitar i shtetit forcohet duke i adresu këto çështje, duke mos e deformu Marrëveshjen e Ohrit. A jemi për bashkëjetesë, ne jemi. A jemi për një demokraci funksionale multietnike, Po, atëherë këto çështje. Aleksis Podvill, Zhan Zhak Ruso e filozof të tjerë që i kanë trajtu temat e demokracisë koncisiative. Ata thonë në një shoqëri ku kemi ndarje, në qoftë në karakterin ideologjik, etnik, politik, demografik, religjioz e kështu me radhë, demokracia nuk duhet të kuptohet si qeverisje e shumicës, për arsye se shumica mekanike, “I kam 61 vota e bëj çka të dua”, ajo nuk prodhon efekt por thellon polarizimin e hendekun në shoqëri. Prandaj duhet të ketë mekanizma mbrojtës, për komunitetet jo-shumicë. Kjo që e propagandon sot, e angazhohet BDI-ja, Zhan Zhak Ruso e Aleksis Stokvill e filozof të tjerë i ka të shkruara, i kanë të studiuara, mirë të menduara se si do të funksionoj një shoqëri e cila ka ndarje. Si në rastin tonë. Prej më tepër etnive përbëhet, e tash ani majorizimi teknik, ajo shumica teknike, neve ku na sjellin. A ju kujtohet në vitet 90-ta, PPD e PDSH, ku ishim e ku erdhëm. Çfarëdo që propozonin deputetët shqiptarë, ata thonin mirë është por nuk keni vota. Na mbivotonin. Ku na solli ajo mendësi e majorizimit. Ai mentalitet i mbivotimit, ku na solli. Na solli te 2001-shi. Në 2001 e dham dorën, OK, karakter unitar të shtetit Po, por duke i integruar shqiptarët dhe komunitetet e tjera. Duke paraparë mekanizma mbrojtës ndaj majorizimit në procesin e vendimmarrjes. E tash, për gati dy vite ne kemi një deformim të Marrëveshjes së Ohrit. Andaj këto janë tema të cilat janë të rëndësisë jetike, e VLEN-i nuk e ka kapacitetin as politik, as ndikimin shoqëror, po besa as dijen e as përvojën për t’i trajtuar me seriozitet këto tema.
G: Zotëri Ademi. Çështja e zgjedhjeve parlamentare të parakohshme ka qenë shumë intenzive, shumë më të zëshëm keni qenë para zgjedhjeve lokale. Mes dy raundeve zgjedhore, sikur nivelin e zërit për zgjedhje të parakohshme parlamentare e ulët. Tani së fundmi ku kanë ngel këto punë, do të ketë zgjedhje të parakohshme parlamentare?
ARBËR ADEMI: Jo nqs i keni përcjell qëndrimet e BDI-së me vëmendje, ne jemi konsekuent në këtë drejtim, një ditë e më përpara duhet të ketë zgjedhje të parakohshme parlamentare. Duhet të respektohet amendamenti 6. Duhet të kemi qeveri me Badenter. Këto janë çështje të cilat me prioritet duhet t’i shqyrtojmë dhe vlerësojmë, dhe të shkojmë në zgjedhje. Të shkojmë në zgjedhje, edhe nqs nuk frikësohen nga humbja, ejani, kanë një arsye më të tepër që të shkojmë në zgjedhje. Le ta pranojnë sfidën. Shumë më mirë është që le të fitojnë dhe si fitues le të jenë këta oponentët tanë në qeveri. Ka edhe një epërsi psikologjike kur ulesh si fitues në tryezën e vendimmarrjes. Mund ta ngritësh zërin se e din se si rezultat i fitores je aty, jo si rezultat i preferencave të mandatarit, të kryeministrit. Se kështu siç janë, këta nuk mund ta ngrejnë zërin për asgjë. Për arsye se kryeministri Mickoski, ju thotë: Shikoni se sa për vota ju s’ishi këtu, por si rezultat i asaj që unë ju kam kriju, dhe unë ju preferoj të jeni këtu. Prandaj, ta qepeni gojën. Mos të hapni çështje që mua më shkaktojnë probleme. Dhe këta bëjnë amin. Prandaj unë po them, BDI nqs nuk i fiton zgjedhjet, nuk e ka vendin në qeveri. Unë do të jem kundërshtar i parë i ndonjë ideje, por e di se ashtu fryme nuk ekziston brenda BDI-së. I humb zgjedhjet, e ke vendin në opozitë me reflektu. I fiton zgjedhjet, populli të ka dhënë përgjegjësi. Përgjegjësia nënkupton edhe një votë më tepër. Kemi pa ne lloj-lloj raste në të drejtën e krahasuar, kur njerëzit fitojnë edhe me dy vota, 3 vota e 5 vota, por fitojnë besimin. Demokracia nënkupton edhe këtë. Edhe një votë më tepër, e lë më me mbi 30 mijë, e 20 e ca mijë tani në zgjedhje lokale. Le të fitojnë një votë më tepër, le t’u qëndrojnë konsekuentë atyre fjalëvë në fushatën e 2024, kur thonin nqs del BDI del një votë më tepër, ne japim dorëheqje e pensionohemi politikisht, madje edhe në noter thonin t’i verifikojmë këto deklarata publike. Por nuk e mbajtën fjalën. Ashtu si nuk e kanë mbajtur për asgjë. A premtuan President të zgjedhur nga Parlamenti. Ku është kjo? Në programin e VLEN-in është. A thanë do riformulojmë 20%shin, që të jetë gjuhë shqipe? Ku është ajo procedurë? A thanë se ministri të diasporës do formojnë, ku është? Diasporën e kanë fshi, edhe nga dotacionet, edhe nga asistenca shtetërore edhe nga gjithçka tjetër. Numrin e këshilltarëve e zvogëluan, duke përjashtuar diasporën. A thanë ministrinë e brendshme do ta kemi, ku e kanë? A thanë drejtorin për siguri publike do ta kemi, ku e keni? A thanë do themelojmë bankë shqiptare, ku është banka shqiptare? A thanë se çdo qytetar nga 10 mijë euro do ja japin si rezultat i privatizimit të ndërmarrjeve shtetërore, a i keni marrë 10 mijë euro nga qeveria? JO. As unë jo, asnjë qytetar jo. Akademia shqiptare e institucionalizume, ku është? Dashtën pak para zgjedhjeve lokale, me një kështu Frankenshtajn zgjidhje, po e financon kjo apo ajo komunë. Edhe ashtu ishin kundër. As ashtu s’po e mbajnë. E shumë e shumë premtime tjera të cilat i kanë dhënë. Ma thoni, një çështje për të cilën e kanë mbajtur fjalën. Një që e kanë në program? Vetëm një fjali që e kanë mbajtë fjalën, që e kanë në program. Asnjë fjalë nuk e kanë mbajtur. Jo si politikan, jo si përfaqësues i BDI-së, nuk dua të më përfaqësoj dikush që nuk e mban fjalën. Nuk e ka kredon morale, që gënjen ditën, pastaj gënjen pasditë, në darkë para gjumit edhe një gënjeshtër më të mirë për gjumë të ëmbël. Nuk na duhen kështu lloj politikanësh.
G: Për në fund, për një çështje për të cilën dua të ju pyes është reagimi juaj në lidhje me dënimin penal të gazetares Liridona Vejseli, se ju reaguat, e pash në profilin tuaj në facebook.
ARBËR ADEMI: Gjithmonë jam në krah të gazetarëve, edhe kur nuk pajtohem.
G: Neve nuk na keni kursyer shumë si media kur ishit në pushtet.
ARBËR ADEMI: Unë dhe BDI, po këtë e flasin edhe indeksimet ndërkombëtare, liria e medias e patë se ka rënë për nuk e di sa vende tani, më duke për 12 vende ka rënë në Maqedoni. Edhe kjo flet për gjendjen se si kemi qenë dhe si jemi. Por personalisht, gjithmonë jam në anën e gazetarëve. Edhe kur nuk pajtohem, edhe kur nuk pajtohem totalisht. Zonja Liridona Vejseli, është një gazetare goxha aktive, dhe të penalizohet si rezultat i asaj që e ka kry detyrën e vet, për t’i informuar qytetarët, në interes publik, mendoj se kjo flet shumë për mentalitetin i cili mbisundon në institucione të caktuara, nga individë të caktuar të cilët duhet ta marrin përgjigjen ligjore, adekuate. Prandaj, jo vetëm për Liridona Vejselin, por prej se jam në politikë, për më tepër gazetarë të cilët nuk janë trajtuar siç duhet, qoftë nga qytetarët, qoftë nga institucionet, kam dhënë mbështetjen time dhe çdo kohë do e jap mbështetjen. Tjetër çështje është se a më pëlqen politika redaktuese e zotëri Hajdarit, pra është tjetër çështje, mund të polemizojmë, të debatojmë. A më pëlqen politika redaktuese e zonjës Vejseli, krejt është çështje tjetër. Po, ndonjëherë mediat, gazetarët duke qenë edhe kritik, e nxjerrin më të mirën e mundshme nga ti.
G: Kur nuk janë tendencioz
ARBËR ADEMI: Prandaj unë i vlerësoj. Edhe në BDI gjithmonë mund të gjejë partner në këtë drejtim.
G: Zotëri Ademi, falemnderit për kohën dhe këto minuta që i keni ndarë për këtë emision.
Shqip