July 23, 2024

Shefi i Lartë për Politikë të Jashtme të BE-së, Josep Borrell, ka thënë se Kosova dhe Serbia janë pajtuar mbi aneksin e zbatimit të marrëveshjes së 27 shkurtit.

“Kam kënaqësinë të them se pas 12 orësh kemi një marrëveshje, kemi një pajtim mbi atë se si do të bëhet”, është shprehur Borrell, njofton Klankosova.tv.

Lajmi do të përditësohet pas pak…

22:02
“Ka një lloj marrëveshjeje”

“Një lloj i marrëveshjes është arritur” në takimin mes kryeministrit të Kosovës, Albin Kurti, dhe presidentit të Serbisë, Aleksandar Vuçiq, në Ohër të shtunën, ka mësuar KOHA. Për të sqaruar gjithçka pritet që pas pak të deklarohet përfaqësuesi i lartë i BE-së, Josep Borrell.

21:54
Përfundon takimi

Ka përfunduar takimi trepalësh midis kryeministrit të Kosovës Albin Kurti dhe presidentit të Serbisë Aleksandar Vuçiq, nën ndërmjetësim të zyrtarëve të Bashkimit Evropian, ka konfirmuar zëdhënësi i Bashkimit Evropian, Peter Stano.

Ai ka shkruar se pas takimit së shpejti përfaqësuesi i lartë Josep Borrell do të dalë me deklaratë zyrtare.