Lindrit Memeti
Dje lexuat një lajm se Bojan Maricic në listën për falje te presidenti Stevo Pendarovski ka dërguar edhe emrin e vrasësit të Almir Aliut. U tronditët? Ju mbeti mishi në fyt te restorant Bujana në Gjilan? Po lajmin tjetër e lexuat se Alternativa e dridhi shtetin, pushtetin dhe qeverinë, ia dridhi dorën Bojan Maricicit dhe ajo listë nuk shkoi te presidenti. Kjo është Alternativa. E thjeshtë, e pazëshme, e heshtur, por në anën e shqiptarëve.
Alternativës nuk i interesojnë interesat e klaneve të caktuara. E as që është parti e kapur peng nga pozita dhe opozita. Alternativa është opsioni i vetëm i shpresës te shqiptarët e Maqedonisë së Veriut.
Për këtë periudhë të shkurtër kohore, Alternativa dy herë e dëshmoi se është e shqiptarëve dhe punon vetëm për interesat e shqiptarëve. Hera e parë ishte ngritja e temës së një gjykimi ndërkombëtar për Grupin e Kumanovës, ku me këtë rast u senzibilizuan të gjitha instancat kombëtare dhe ndërkombëtare dhe rasti i dytë është me listën për falje.
Alternativa njeh brengat e shqiptarëve. Ajo është paraqitur si kujdestare e tyre. Paramendoni sikur të mos ishte Alternativa në qeveri dhe Bojan Maricic të kish ndërmarr një hap të këtillë, a kishte forcë që kishte mundësi me ndalë? Por, dilni në anën tjetër të medaljes. Alternativa vecse ka filluar procesin e mbrojtjes së shqiptarëve dhe zgjidhjes së problemeve të tyre. A thua cfarë do të ndodhte sikur Alternativa të kishte pushtetin e partive tjera, sa halle dhe probleme të shqiptarëve do të zgjidheshin?
Në këtë kohë kur janë përzier vlerat me anti-vlerat është bërë e vështirë të dallohen opsionet e vërteta. Por opsioni i Alternativës shikohet pastër si loti në të gjitha këndvështrimet e një banori të Maqedonisë së Veriut. Këtë opsion nuk e shohin vetëm ata që iu janë errësuar sytë dhe iu janë mbuluar zemrat me mllef dhe inati.
