Shkruan: Zeqirja Ibrahimi
Çka përfshin fusha semantike e fjalëve “vasalë” dhe “hyzmeqarë”?
– Vasalë dhe hyzmeqarë quhen ata që, kur ministrja e Punëve të Brendshme i quan shqiptarët “indijanci”, ata heshtin si pula të lagura dhe nuk u dëgjohet zëri.
– Vasalë dhe hyzmeqarë janë ata që kur policia, ku ata e kanë zëvendësministrin, i tërheq gratë shqiptare zvarrë, ata hiqen sikur jetojnë në Burkina Faso dhe se ajo nuk ka të bëjë fare me ata.
– Vasalë dhe hyzmeqarë janë ata që te Gruevski e pranonin Car Dushanin, ndërsa vetë fotografoheshin te Metodija Sharlo;
– Vasalë dhe hyzmeqarë janë ata që, duke pasur zëvendësministër të policisë, lejonin të rrihen shqiptarët në Gjorçe Petrov dhe të shkatërrohen pronat shqiptare atje;
– Vasalë dhe hyzmeqarë janë ata që kur policia, ku ata e kishin zëvendësministrin, ua vrau kryekomandantin e luftës (Harun Aliu), ata vazhdonin të rrinin në qeveri dhe nuk bëzanin nga tuta;
– Vasalë dhe hyzmeqarë quhen ata që para Mijallkovit “asnjë fjalë nuk u shpëtonte prej goje”, ndërsa popullit të tyre ua bënin gati valixhet për t’i përzënë.
Ndërsa në fushën semantike të vasalitetit dhe hyzmeqarisë nuk bie:
– hapja e pikës “one stop shop” në Bllacë;
– 80 mln euro për komunat shqiptare për një vit dhe po aq në tre vitet e ardhshme;
– 34 mln euro për Universitetin “Nëna Terezë”;
– Sanksionimi ligjor i përfaqësimit të drejtë dhe adekuat;
– Ligji për zyrtarizimin e Medresesë “Isa Beu”;
– Mbi 2500 punësime për një vit etj. etj.
Nëse Kryevasali edhe pas kësaj ende nuk i ka të qarta këto koncepte, do t’i marrë vesh pas 19 tetorit.
Shqip