10 viktima dhe 409 raste të reja me Covid

Në 24 orët e fundit janë bërë 4751 testime prë Covid, ndërsa janë regjistruar 409 raste të reja pozitive.

Sipas qyteteve, në Shkup janë regjistruar 218 raste të reja. Më pas në Prilep 37, në Manastir 32, Kavadar 19, Veles 18, Makedonski Brod 9, Kërçovë dhe Gjevgjeli nga 8, Kumanovë dhe Bogdanc nga 7, Koçan, Strugë dhe Resnje nga 6, Ohër 5, Tetovë dhe Shtip nga 4, Strumicë dhe Kriva Pallankë nga 3, Gostivar, Dellçevë dhe Vallandovë nga 2 ndërsa në Negotinë, Radovish dhe Vinicë nga 1.

Në 24 orët e fundit kanë ndëruar jetë gjithsej 9 pacientë ndërsa sipas regjistrit të “Termini Im” ka ndëruar jetë edhe një pacient me Covid më datë 20 dhjetor. Kështu numri i të vdekurve regjistrohet si 10.

Nga ana tjetër janë shëruar 289 pacientë.

Deri tani në vendin tonë gjithsej janë infektuar 223739 persona. Prej tyre, 211021 janë shëruar, 7917 kanë vdekur ndërsa rastet aktive shënojnë 4801.