U prit me tepih të kuq para godinës së Qeverisë.
Presidentja e Komisionit Evropian, Ursula von der Leyen, erdhi në masa të rrepta sigurie në mikpritje të kryeministrit Hristijan Misckoski, të cilët zhvilluan takim me dyer të mbyllura.
Pas gjysmë ore takim kokë më kokë, dolën para mediave, ku von der Leyen kërkoi zgjidhje mes Shkupit dhe Sofjes. Tha se reformat e kërkuara janë bërë, por për të vazhduar me aderimin drejt BE-së Maqedonia e Veriut duhet të mbyllë çështjet e hapura me Bullgarinë.
“Në momentin që do ta zhbllokojmë situatën këtu dhe mendimi im personal është që mund të jemi më të shpejtë me Maqedoninë e Veriut sepse tani më intensivisht punojmë në reformat që janë të domosdoshme. Ende ka punë, por është mbresëlënëse atë që keni bërë. Tani të fokusohemi në zhbllokim të situatës për të mundur pastaj të vijmë me udhërrëfyes në Maqedoninë e Veriut”, tha Ursula von der Leyen.
Ajo theksoi se negociatat e anëtarësimit kanë nisur në vitin 2022, ndërsa procesi i skriningut ka përfunduar për më pak se një vit, duke shtuar se tani mbetet hapi kyç i nevojshëm për hapjen e klasterit të parë “Themeloret”. Komisioni Evropian thekson se konferenca ndërqeveritare për negociatat e anëtarësimit me Maqedoninë e Veriut u mbajt në korrik të vitit 2022, ndërsa skriningu u përfundua në dhjetor të vitit 2023. Ajo dërgoi mesazh edhe sa i përket identitetit dhe gjuhës maqedonase.
Shqip