Radev: Derisa RMV nuk e pranon historinë siç bëri me Greqinë, nuk mund të themi “po” për negociatat
Presidenti i Bullgarisë Rumen Radev, sot në Samitin e BE-së në Slloveni, ka folur në lidhje me veton për Maqedoninë e Veriut.
Ai tha se “derisa Maqedonia e Veriut nuk e pranon historinë, siç bënë me Greqin, nuk mund të thonë ‘po’ për negociatat”.
“Për sa kohë që vazhdon ky lloj procesi rilindjes, përderisa bashkatdhetarët tanë vazhdojnë të jenë subjekt i asimilimit delikat, të drejtat e tyre themelore shtypen dhe nuk integrohen plotësisht në Maqedoninë e Veriut së bashku me kombet e tjera, ne nuk mund të themi për fillimin e negociatave”, tha Radev.
Ai e ftoi Maqedoninë e Veriut pa kushte të përmbahet në Marrëveshjen për Fqinjësi të Mirë të vitit 2017, nëse dëshiron të anëtarësohet në BE.
Radev gjithashtu pret që autoritetet në Maqedoni të ndalojnë me, siç tha, ideologjitë totalitare të së kaluarës, me urrejtje ndaj Bullgarisë.
“Presim çrrënjosjen e gjuhës së urrejtjes, mashtrimit dhe interpretimin e Bullgarisë në tekstet shkollore, monumentet, muzetë dhe politikat publike. Atëherë njerëzit tanë do të jenë gati të thonë po. Ne duam dokumente të qarta ligjërisht detyruese. Bullgarët maqedonas të pasqyrohen në regjistrim. Ne duam që e vërteta historike në marrëdhëniet me Greqinë të njihet, ashtu siç është njohur e vërteta historike në marrëdhëniet me Greqinë. Thyerje të maqedonizmit dhe urrejtjes ndaj Bullgarisë dhe marrja e vendimeve të qarta”, theksoi Radev.
