Gjatë nënshkrimit të deklaratës për praktika antikorruptuese dhe politika në ndërmarrjet publike të firmosura nga 36 ndërmarrje publike nga Shkupi, Pollogu e Pellagonia, zv.ambasadori amerikan në vend Erik Mejer u bëri thirrje qytetarëve që të merren vetë me korrupsionin, në çdo nivel, nga politikanët, përmes administratës publike e deri te biznesmenët. Ai tha se janë të gabuara tendencat që për korrupsionin të flitet si për ndonjë infeksion ose sëmundje.
“Mund të jesh pak i sëmurë, por jo pak i korruptuar. Kur përshkruajmë dëmin e shkaktuar në shoqëri nga korrupsioni, flasim për dëmtimin e institucioneve dhe ngadalësimin e progresit. Jo. Korrupsioni është si një eskavator që shkatërron gjithçka që i qëndron në rrugë. Edhe kur ekziston në mjedise të vogla, ajo minon themelet e shoqërisë në tërësi. SHBA-ja, BE-ja dhe partnerët kanë investuar miliona dollarë në programe si kjo, për të parandaluar korrupsionin, por zgjidhja për këtë problem qëndron tek vet ju”, deklaroi Erik Mejer, zv.ambasador i SHBA-së. /Alsat.mk
