Para presidentit të Republikës së Maqedonisë së Veriut Stevo Pendarovski sot në Shtëpinë e Armatës në Shkup u njoftua për gjendjen e gatishmërisë ushtarake të Armatës së Republikës së Maqedonisë së Veriut në vitin në vijim, që është obligim i rregullt i shefit të Shtatmadhorisë për komandantin suprem.
Në informimin, nga ana e shefit të Shtatmadhorisë gjenerallejtënant Vasko Gjurçinovski dhe drejtori i Shtatmadhorisë gjeneral-major Zoran Mileski para presidentit Pendarovski, ministres së Mbrojtjes Radmilla Shekerinska, gjeneralët e Armatës dhe përfaqësuesit nga kabineti i presidentit dhe Ministrisë së Mbrojtjes u paraqet gjendja dhe realizimi i aktiviteteve të planifikuara në fushat e funksionale, që janë pjesë e përgatitjes luftarake.
“Para kryesisë shtetëror u prezantuan detyrat e realizuara dhe arritjet e Armatës në vitin 2021 si dhe detyrat kryesore për vitin e ardhshëm 2022, me çka u përfshinë fushat: menaxhimit personal dhe morali, operacionet në vend dhe jashtë vendit, trajnime dhe stërvitje, mbështetje logjistike, planifikimi ushtarak dhe struktura e forcave, lidhjet dhe komunikimet, buxhetimi dhe bashkëpunimi civilo-ushtarak. Gjenerali Gjurçinovski në fjalën e tij theksoi gatishmërinë e komandave dhe njësive të Armatës për të realizuar të gjitha aktivitetet e dinamikës së planifikuar në procesin e arritjes së qëllimeve të kapaciteteve të NATO-s”, kumtuan nga Shtatmadhoria e Armatës.
Në konferencë u theksua përkushtimi dhe kryerja profesionale e detyrave të pjesëtarëve të Armatës, me çka u realizuan të gjitha aktivitetet dhe detyrat e planifikuara, si dhe gatishmëria për sistematizimin e institucioneve shtetërore dhe ndihmë ndaj qytetarëve.
Ministrja Radmilla Shekerinska në rishikimin e vitit të kaluar theksoi se në vitin 2021 u shënua përvjetori i parë i anëtarësimit në NATO dhe se Maqedonia e Veriut e kaloi me sukses testin e përvjetorit të parë si anëtare e Aleancës.
Ajo theksoi se tashmë janë përzgjedhur pesë oficerët e parë që do të na përfaqësojnë në strukturën komanduese të NATO-s në Izmir, Mons dhe Bruksel dhe ka filluar përzgjedhja e shtatë të tjerëve.
“E përforcuam me personel delegacionin e Përhershëm të Maqedonisë së Veriut në NATO si dhe Zyrën Ndërlidhëse në SHAPE. Duke kuptuar rrezikun e sfidave moderne të sigurisë, ne nënshkruam një Memorandum bashkëpunimi me NATO-n në fushën e sigurisë kibernetike dhe bashkëpunimi në këtë fushë është arritur me partnerin tonë strategjik SHBA-të, nënvizoi ministrja, duke shtuar se pas katër vite e gjysmë intensive. Veprimtaria imazhi i Armatës ka ndryshuar, duke filluar nga pagat më të larta deri te pajisjet dhe janë krijuar kushtet që ajo të vazhdojë të zhvillohet në përputhje me standardet e NATO-s dhe në bashkëpunim me aleatët e Aleancës”, theksoi Shekerinska.
Në fjalën përmbyllëse, presidenti dhe komandanti Suprem Stevo Pendarovski shprehu kënaqësinë e tij për profesionalizmin, përkushtimin dhe sakrificën e treguar nga pjesëtarët e Armatës në përballjen me pandeminë dhe zjarret në mbarë vendin.
Pendarovski porositi se investimi në modernizimin dhe pajisjen e Armatës duhet të vazhdojë, sepse me forcimin e kapaciteteve dhe potencialeve tona mbrojtëse, jo vetëm që Armata fiton, por ndikon edhe në rritjen ekonomike dhe standardin më të lartë jetësor të qytetarëve.
“Pavarësisht se kriza shëndetësore dhe energjetike po kryejnë presion për shpërndarje të ndryshme të prioriteteve buxhetore, shteti duhet të mbetet i përkushtuar për investime në mbrojtje dhe siguri, sepse ato janë baza për funksionimin e sektorëve të tjerë shoqërorë”, tha presidenti Pendarovski.
Shefi i shtetit e theksoi deklaratën e përbashkët të nënshkruar me NATO-n muajin e kaluar, e cila përmbylli zyrtarisht procesin e integrimit tonë në Aleancë dhe tha se anëtarësimi në NATO na ndihmon të përballojmë më mirë kërcënimet e vjetra dhe të reja të sigurisë.
