Policia ka ndaluar përmbaruesen V.J. pasi mbrëmë ka sulmuar zyrtar policor përderisa sa ka qenë duke u marrë në pyetje në stacionin policor në Kërçovë, e ftuar pas sulmit që kishte ndaj një gazetari.
Nga MPB-ja njoftojnë se Jakimovska e ka sulmuar policin dhe e ka shkatërruar materialin zyrtar, pasi mbrëmë para mesnate ishte arrestuar nga policia. Ajo më parë në rrugën “Trajçe Strezoski” në Kërçovë fizikisht e ka sulmuar gazetarin F.S. nga Shkupi dhe e ka dëmtuar pajisjen e tij zyrtare.
Ndërkohë Ministria e Drejtësisë ka kërkuar nga Oda e Përmbaruesve që të hetojë rastin në lidhje me një gazetar në të cilin është përfshirë një përmbarues nga Gostivari dhe nëse ka shkelje të mundshme të Ligjit për përmbarim dhe Kodit të Etikës Profesionale të Përmbaruesve, për të marrë masat e duhura. Si Ministri e Drejtësisë, theksojmë se ekzekutori është i detyruar në sjelljen e tij ndaj publikut të veprojë duke treguar afirmim dhe respekt për veprimtarinë e ekzekutuesit, të mos sillet në mënyrë fyese, të jetë i durueshëm, dinjitoz dhe i sjellshëm, si dhe respektojnë palët dhe dinjitetin e tyre. Përmbaruesit janë të detyruar të zbatojnë Kodin e Etikës Profesionale, i cili është një grup standardesh të shkruara për sjelljen dhe veprimet e përmbaruesve në kuadër të veprimtarisë së tyre, përkatësisht zbatimit të Ligjit për Përmbarim, thuhet në reagimin e Ministrisë së Drejtësisë.
