Uniforma të reja për policinë dhe njësi të tjera të policisë së Maqedonisë
Pjesëtarët e policisë së uniformuar dhe njësive të tjera në Ministrinë e Punëve të Brendshme morën uniforma të reja, të cilat sot u promovuan në rrethin e MPB-së.
Më saktësisht, siç kumtuan nga MPB, janë furnizuar uniforma të plota në përbërje nga 10.000 xhupa dimërorë dhe 8.500 çizme të gjata speciale, dërgesa e të cilave pritet në fillim të vitit të ardhshëm. Gjithashtu, edh 20.000 pantallona të verës dhe të dimrit, 10.000 këpucë me shtresë të trashë dhe 20.000 kapela dimërore dhe verore me dërgesë gjatë muajit të ardhshëm dhe janë dërguar 10.000 këmisha me mëngë të shkurta dhe 10.000 me mëngë të gjata, 8.000 fanella polo, 10.000 çizme gjysmë të gjata dhe 8.000 këpucë me shtresë të ulët dhe jelekë fluroscentë.
“Në këto pesë vite bëmë përpjekje sistematike për avancim të punës së të gjithë nëpunësve policorë dhe vendosje të ambientit funksional me kushte normale për punë, me ç’rast policia e kënaqur do të mundësojë edhe shërbim më cilësor për qytetarët e vet”, potencoi ministri i Punëve të Brendshme, Oliver Spasovski në prezantimin e sotëm të uniformave të reja.
Përndryshe, uniforma tërësisht të reja morën disa njësi organizuese në polici, mes të cilave Sektori për mbrojtje të personaliteteve dhe objekteve të caktuara në kuadër të Byrosë për siguri publike, ndryshe e quajtur “Drejtoria e gjashtë”, e cila mori veshmbathje civile dypjesëshe, për personelin e aviacionit dhe Njësinë për helikopterë janë siguruar xhupa fluturues dhe veshje speciale mbrojtëse dhe fluturuese, ndërsa uniformë tërësisht e re është siguruar edhe për policët dhe praktikantët e rinj.
“Me ardhjen në krye të MPB-së të ministrit Spasovsaki, si rezultat i përkushtimit për avancim të kushteve për punë të nëpunësve policorë, janë rinovuar mbi 60 objekte dhe stacione të policisë të MPB-së, njësitë speciale u bënë me uniforma tërësisht të reja, uniforma janë siguruar edhe për nëpunësit e tjerë policorë, janë paguar tre bonus rroga të mbetura për orët e punuara pas orarit, janë siguruar numër më i madh i donacioneve në automjete dhe pajisje për njësi të ndryshme organizative policore”, kumtuan nga MPB.
Nga MPB potencojnë se kryesia aktuale do të vazhdojë të bashkëpunojë me Sindikatën e policisë së Maqedonisë, ta dëgjojë zërin e tyre si sindikatë e vet përfaqësuese e policisë, me qëllim që bashkërisht të avancohen kushtet për punë dhe dhe të përmirësohen të mirat materiale-teknike të policisë dhe të të gjithë të punësuarve.
