Ne me “Levicën” nuk kemi asnjë bashkëpunim e as nuk kemi pasur si opozitë shqiptare. Kështu tha sonte Sekretari i Përgjithshëm i ASH-së, Arben Taravari në “T7”.
Sipas tij jo vetëm dy deputetët e “Levicas”, por janë 68-69 deputetë që do të bashkangjiten për rrëzimin e qeverisë aktuale LSDM-BDI.
“BDI dhe LSDM mbi një vit e lusin “Levicën” për në qeveri, pra BDI ka bashkëpunim e jo ne. Ne nuk jemi duke bashkëpunuar pasi jemi në momentin për rrëzim të kësaj qeverie hibride. Pastaj vijojnë biesdimet për të formuar shumicë të re”, tha Taravari.
Së bashku me Taravarin në studio është edhe Agim Nuhiu nga BDI, të cilit Taravari ia rikujtori se inegristët aktualisht me “Levicën” kanë shumicë në Këshillin komunal të Velesit.
