U.D. Rektor i Universitetit të Tetovës Prof. Dr. Reshat Qahili bashkë me prorektorin për bashkëpunim ndërkombëtar Prof. Dr. Shefik Shehu e kanë pritur sot në një takim miqësor profesorin nga Shtetet e Bashkuara të Amerikës Prof. Dr. Xhim Lofton.
Me këtë rast Qahili e falënderoi profesorin për përzgjedhjen e tij që ka bërë për të qenë pjesë e stafit akademik të UT-së për një vit në kuadër të programit Fullbrajt. Po ashtu ai tha se Universiteti i Tetovës i është shumë falënderues qeverisë amerikane dhe universiteteve publike atje për mbështetjen e vazhdueshme dhe mundësitë e bashkëpunimit që i japin UT-së përmes programit Fullbrajt.
Në fund të këtij takimi Rektori Qahili i shprehu mirënjohje profesorit Jim Lofton për punën e tij që po bën me studentët e Fakultetit Juridik duke ndarë me ta eksperiencat e tij profesionale mbi drejtësinë dhe shtetin e së drejtës, pasi që profesori në këtë lëmë ka përvojë pune rreth 27 vjet.
