Në Komunën e Butelit, midis rrugëve “Butelska” dhe “Aleksandar Udarevski”, planifikojmë të ndërtojmë një rrethrrotullim. Përmes ridizajnimit të 50 kryqëzimeve dhe rrugëve kritike, Shkupi do të shkojë drejt qëllimit “Zero aksidente fatale deri në vitin 2030”, duke zbatuar standardet e provuara evropiane për sigurinë në hapësirën urbane, deklaroi kandidati për kryetar të qytetit të Shkupit nga radhët e VMRO-DPMNE-së, Orce Gjorgjievski.
“Rrethrrotullimi që do të ndërtohet këtu do të thotë fund i kaosit të trafikut dhe një ulje e ndjeshme e rrezikut të aksidenteve. Kjo pikë është një nga më të frekuentuarat në Butel, sepse rruga “Aleksandar Urdarevski” është një rrugë trafiku që përdoret çdo ditë nga mijëra qytetarë, veçanërisht për shkak të afërsisë me varrezat e qytetit.
Paralelisht me këtë projekt, vijon një rindërtim i plotë i rrugëve “Butelska” dhe “Radishanska”, në segmentin nga Rasadnik – Butel deri në vendbanimin Radishani. Para rindërtimit, do të ndërtohet një sistem kanalizimi atmosferik.
Vëmendje e veçantë po i kushtohet edhe rindërtimit të Rrugës Kaçaniku i Vjetër pranë Vizbegut – një projekt me rëndësi të madhe dhe rritje ekonomike për të gjithë rajonin”, tha Gjorgjievski.
Ai shtoi se në këtë drejtim, është edhe ndërtimi i korsisë së tretë në bulevardin “Cvetan Dimov” në Komunën e Çairit dhe ndërtimi i bulevardit “Hrvatska” në Komunën e Gazi Babës, të cilat do të kontribuojnë në lehtësimin e barabartë të mbingarkesës në këtë pjesë të qytetit.
Shqip