Aktualisht në Klinikën Infektive në Shkup në kujdesin intensiv ndodhen pesë pacientë të infektuar me virusin e etheve të Nilit Perëndimor në gjendje të rëndë. Disa prej tyre janë në ventilim mekanik, kurde mes tyre është edhe një djalë 24-vjeçar që jeton në komunën Qendër, transmeton portali Lideri.mk.
Me këtë është rritur shqetësimi nga fakti se po ulet kufiri i moshës së rasteve të konfirmuara me ethet e Nilit Perëndimor.
“Ajo që edhe ne si mecinë e parashikonim gjatë ditës së djeshme u konfirmosh se pacientja 25-vjeçare, e cila udhëhiqej si clinically e dyshuar, u konfirmua me formën neuroinvazive të infeksionit me virusin e Nilit Perëndimor. Ndërkohë mbrëmë është hospitalizuar edhe një pacient 24-vjeçar i cili udhëhiqet si rast i dyshuar. Gjatë ditës së sotme ose të nesërme do të duhet të shohim nëse edhe tek ai do të konfirmohet diagnoza klinike”, theksoi dr. Cana.
Sipas tij, të gjitha rastet që janë të hospitalizuara në Klinikën për Sëmundje Infektive janë me formë neuroinvazive:
“Kjo do të thotë se ata përbëjnë 1% nga 100% e të infektuarve. Formën më të rëndë të sëmundjes e zhvillojnë vetëm një përqind, sipas statistikave 1% nga numri i përgjithshëm i pacientëve të infektuar”, tha Cana.
Sipas doktor Canës, është e rëndësishme të theksohet se pacientët që janë në gjendje kritike janë persona mbi 60 vjeç dhe me shumë komorbiditete (sëmundje shoqëruese). Qytetarët duhet t’u përmbahen rekomandimeve të institucioneve kompetente për mbrojtje personale, sepse deri në fund të këtij muaji dhe gjatë shtatorit pritet piku i epidemive të këtilla.
Ndryshe Një pacient 76-vjeçar i hospitalizuar në Klinikën Infektive, në repartin e kujdesit intensiv, është rasti i katërt i regjistruar i vdekjes nga ethet e Nilit Perëndimor./Lideri
Shqip