Një 21-vjeçar është në mesin e gjashtë pacientëve që kanë humbur jetën nga Covid-19 në spitalin e Tetovës në 24 orët e fundit.
Siç thotë koordinatori i Qendrës-Covid në Tetovë, Gëzim Nuredini, nga ora shtatë e ditës së djeshme deri në shtatë të mëngjesit të sotëm, gjithsej 17 persona u pranuan në spital, ndërsa nëntë u liruan nga spitali.
“Kemi gjashtë persona të vdekur, më i riu prej të cilëve është 21 vjeç. Numri i personave të shtruar në spital është 123, nga të cilët vetëm tetë persona kanë një dozë vaksinë, kurse vetëm shtatë persona kanë dy doza”, informoi Nuredini.
