MPB ka njoftuar se është gjetur trupi i pajetë i 14 vjeçares Vanja Gjorçevska e zhdukur para 7 ditëve, shkruan Lideri.mk.
Sipas policisë janë arrestuar pesë persona lidhur me rastin, të cilët dyshohet se kanë kryer edhe një vrasje tjetër, kurse dyshohet se vrasjen e kanë bërë për motive lukrative (me qëllim përfitimi).
“Pas masave dhe aktiviteteve të gjithanshme të ndërmarra nga zyrtarët policorë nga SPB Shkup, sot (03.12.2023) trupi i pajetë i të miturit V.G., i cili ishte raportuar i zhdukur më 27.11.2023, është gjetur në afërsi të Shkupit, ndërsa në afërsi të Velesit. Kufoma e P.Zh.(74) nga Velesi, i cili ishte raportuar i zhdukur më 24.11.2023, është gjetur edhe nga policët e SVR Veles. Në lidhje me dy rastet dyshohen pesë persona, tre prej të cilëve janë në ndalim, një është jashtë shtetit dhe një person aktualisht ndodhet në komisariat. Paraprakisht në lidhje me veprat penale është gjetur një automjet tip “Citroen” i djegur dhe pas ekspertizës është siguruar prova materiale për përfshirjen e personave”, njoftoi MPB./Lideri
Lajm i fundit: Gjendet trupi i pajetë i vajzës 14 vjeçare nga Shkupi
