Ka arritur edhe një dërgesë me aparatet për shenjat e gishtave për zgjedhjet lokale të 17 tetorit, ndërsa deri në fund të javës pritet të arrijë e gjithë dërgesa e nevojshme. Ndërkohë vazhdon edhe edukimi i komisionerëve zgjedhor.
Kreu i KSHZ-së tha se në ditën e zgjedhjeve do të angazhohen edhe 200 IT inxhinierë të cilët bashkë me 80 persona nga kompania që prodhon pajisjet për shenjat e gishtave do të ndihmojnë anëtarët e komisioneve në vendvotime.
“Me ardhjen e sotme presim të arrijnë edhe rreth një mijë pajisje për identifikim biometrik të qytetarëve e me këtë do t’i kemi mbi gjysmat e aparateve, ndërsa deri në fund të javës do të arrijnë të gjitha, do të thotë edhe dy dërgesa të tjera. Për momentin në KSHZ vazhdon mbushja e ‘smart kartelave’ që duhet të përfundojë sot, ndërsa pas dite do të fillojë plotësimi i aparateve, sepse kemi mjaftueshëm, plotësimi shkon rreth një mijë në dite dhe do të përfundojë deri nga 11 tetori”, deklaroi Aleksandar Dashtevski.
