Kryeministri i parë shqiptar në Maqedoni do të bëhet pjesë e VLEN-it (Foto)

Një emër me peshë historike do të jetë pjesë e Kongresit të Bashkimit të VLEN-it që mbahet më 9 Maj.

Në mesin e delegatëve të këtij kongresi do të jetë edhe Qemal Musliu, njeriu që në opinion njihet si kryeministri i parë shqiptar në Maqedoninë e Veriut, duke shënuar një moment me simbolikë të veçantë politike dhe kombëtare.

Prania e Musliut në Kongresin e Bashkimit vlerësohet si mesazh i fuqishëm për konsolidimin e faktorit politik shqiptar dhe përkrahje ndaj procesit të bashkimit që po ndërton VLEN-i.

Kongresi i 9 Majit pritet të jetë një nga ngjarjet më të rëndësishme politike shqiptare të viteve të fundit, ku pesë subjekte politike po kurorëzojnë procesin e bashkimit në një subjekt të vetëm politik.

Pjesëmarrja e figurave me peshë historike dhe politike në këtë kongres po i jep ngjarjes dimension edhe më të madh politik, ndërsa interesimi publik dhe mediatik për 9 Majin vazhdon të rritet.