Sipas të dhënave, rreth 10 mijë qytetarë janë regjistruar në ditët kur kompanitë e sigurimeve kanë rritur çmimin e policës së sigurimit me 15%. Nën presionin e Agjencisë së Mbikëqyrjes së Sigurimeve dhe Financave, çmimi i vjetër u kthye, por pyetja mbetet nëse qytetarët që paguanin regjistrimin më shtrenjtë do të kompensohen nga kompanitë e sigurimit për shkak të policës.
Propozimi për kthimin e çmimeve të vjetra shkoi në Qeveri, pritet botimi i tij në “Fletoren Zyrtare”. Ndaj kësaj kanë reaguar ashpër kompanitë e biznesit të sigurimeve, me mesazhin se vendimi është një kërcënim i drejtpërdrejtë për stabilitetin financiar të sektorit.
Ata pretendojnë se e kanë marrë vendimin për një çmim më të lartë të policës, sepse ka më shumë se 10 vjet që nuk ka ndryshuar, ndërkohë që kostot e tyre janë rritur. Por analiza e ASM-së (Agjencia e Mbikëqyrjes së Sigurimeve) tregoi se rritja e çmimit ishte e pabazuar.
