Në Maqedoninë e Veriut dje kanë arritur edhe 100.620 vaksina Pfizer, ka njoftuar ministri i Shëndetësisë, Venko Filipçe.
Vaksinat që janë siguruar nëpërmjet mekanizmit Kovaks, sipas Filipçes do të ndikojë në përshpejtimin e ritmit të imunizimit kundër Covid-19.
“Ditëve në vijim vaksinimi do të marrë ritëm të ri, të përshpejtuar për çfarë do të vaksinohen të gjithë qytetarët e paraqitur. Nëse ende nuk jeni paraqitur nëpërmjet ueb-faqes, apeloj që të bëni këtë sa më herët, me çka do të fitoni termin në afatin kohor më të shpejtë”, shkruan Filipçe në Facebook.
Ai ditë më parë gjithashtu paralajmëroi se gjatë fundjavës pritet të arrijnë edhe vaksinat kineze.
