Në Butel është hapur zyrtarisht shtabi zgjedhor i VLEN për zgjedhjet lokale të tetorit. Lajmin e ka bërë të ditur kryetari i Alternativës, njëherësh një nga liderët e koalicionit VLEN, Zeqirija Ibrahimi.
“Në Butel, së bashku me krerët e VLEN, hapëm zyrtarisht shtabin zgjedhor për zgjedhjet lokale të tetorit! Me këtë rast, promovuam edhe listën tonë të këshilltarëve, e cila do të udhëhiqet nga Behar Rexhepi, një profesionist i dëshmuar, i përkushtuar dhe i gatshëm të jetë në shërbim të qytetarëve!”, shkroi Ibrahimi.
Ai theksoi rëndësinë e Butelit si pjesë e pandashme e Shkupit, ku shqiptarët po rriten “në numër, në vetëdije dhe në zë”.
“Tash është koha që ky zë të kthehet në fuqi vendimmarrëse! Ashtu siç festuam fitoren më 8 maj të vitit të kaluar, kësaj here le ta vulosim ndryshimin më 19 tetor!”, shtoi Ibrahimi.
🔹 “VLEN për Butelin!”, përfundoi ai.
Shqip