Ushtria izraelite kreu një sulm ajror në shtëpinë e kryetarit të Byrosë Politike të Hamasit, Ismail Haniyeh në Rripin e bllokuar të Gazës, transmeton Anadolu.
Në deklaratën e ushtrisë thuhet se avionët luftarakë izraelitë bombarduan shtëpinë e Haniyeh në Rripin e Gazës.
Theksohet se janë publikuar pamjet e momentit të sulmit ndërsa pretendohet se shtëpia në fjalë përdorej ndonjëherë si “pika takimi për figurat e larta të Hamasit”.
Burimet lokale njoftuan se udhëheqësi i Hamasit, Haniyeh ishte jashtë Rripit të Gazës në kohën e sulmit.
