Me hapjen e shtabit të koalicionit VLEN në Teteks 1 në Tetovë, Adnan Azizi tha se fitorja e tyre do të jetë plebishitare dhe Teteksi do të mbajë këtë vulë.
Azizi tutje shtoi se diferenca e votave në Tetovë nuk do te jetë me 5500 vota si në zgjedhjet lokale por do të jetë më e thellë, me 11 mijë vota diferencë.
“Fitorja e radhës do të jetë fitorja më plebishitare e koalicionit VLEN dhe do ta ve vulën e fitores në mbarë qytetin apo komunën e Tetovës që do të jetë Teteks 1. Opinion publik për Bilall shprehen në zgjedhjet lokale tetovarët ku ua treguan vendin me 5500 vota diferencë fitoj Bilalli që nuk mbahet mend në histori një fitore aq e thellë. Ju këto i bëni nga frika dhe ne nuk kemi çfarë të ju bëjmë përveç se t’ua shtojmë frikën edhe më shumë. Tash nuk do të jetë me 5500 vota diferencë por do të jetë me 11 mijë vota diferencë dhe fitorja jonë do të jetë fitore që do ta vulosë fitoren në mbarë republikën e Maqedonisë së Veriut”, tha Adnan Azizi.
