Arkeologët në Turqi thonë se kanë zbuluar bukën më të vjetër të njohur në botë, që daton në vitin 6600 para Krishtit. Një strukturë furre e shkatërruar u gjet në një zonë të quajtur “Mekan 66”. Rreth furrës, arkeologët gjetën grurë, elb, fara bizele dhe një mbetje të rrumbullakët, “sfungjere”.
Analizat përcaktuan se mbetja organike ishte bukë 8600-vjeçare, e papjekur dhe e fermentuar. “Mund të themi se ky zbulim në Çatalhöyük është buka më e vjetër në botë. Është një version më i vogël i një buke. Ka gisht të shtypur në qendër, nuk është pjekur, por është fermentuar dhe ka mbijetuar deri në ditët e sotme me niseshtenë brenda. Nuk ka asnjë shembull të ngjashëm të diçkaje të tillë deri më sot” i tha agjencisë shtetërore turke të lajmeve Anadolu, arkeologu Ali Umut Türkcan, kreu i Delegacionit të Gërmimeve. Lënda organike – si druri ashtu edhe buka – u ruajt nga balta e hollë që mbulonte strukturën, sipas Türkcan.
