300 kg kokainë në Portin e Durrësit – Po hetohet për një rrjet kriminal të shtrirë në tre shtete

Janë dhënë detaje të reja në lidhje me 300 kg kokainë që u sekuestruar mesditën e sotme në Portin e Durrësit.

Në një raportim për News24, thuhet se droga do të shpërndahej në disa vende të Europës dhe jo vetëm në Napoli ku kishte destinacionin.

Sipas këtyre informacioneve po hetohet më tej për një rrjet kriminal të shtrirë në tre shtete, Maqedoni të Veriut, Shqipëri dhe Itali. Çdo kamion, para se të ngjitet për në traget, i nënshtrohet një kontrolli të imtësishëm, pas rasteve të shumta të ngarkesave të kapura në Portin e Durrësit.

“Po hetohet më tej për një rrjet kriminal i shtrirë në tre shtete, Maqedoni të Veriut, Shqipëri dhe Itali”, raportohet në media shqiptare.