Rrëfimet si në filma të mafiozit, Sedat Peker që po i ndjek krejt Turqia (VIDEO)

Për disa javë rresht, çifti Gulistan dhe Alparslan Atas thonë se ata presin gjithë javën për të ardhur e diela.

E diela është dita kur një person i akuzuar për krime poston video ku flet për krimet e bëra nga poitikanët turk , video të cilat e kanë marrë vëmendjen e Turqisë dhe e kanë kthyer mafiozin në një fenomen të medias sociale.

“Unë pres me entuziazëm çdo javë për t’i shikuar videot “, tha 38-vjeçari Gulistan Atas, i cili shikon videot me familjen e tij në Stamboll.

Nga trafikimi i drogës fshehjet e vrasjeve e deri te transportimet e armëve tek militantët islamikë, Sedat Peker, një bos i krimit në arratisje 49-vjeçar ka nxjerrë të gjitha të palarat e partisë qeverisëse të Presidentit turk Recep Tayyip Erdogan, të cilën ai dikur e ka mbështetur.

Sikur “The Godfather “dhe” Scarface ” që janë gdhendur në kujtimet e të gjithëve si filma që tregojnë se si funksiononte mafia , tani Sedat Peker është në mendjen e të gjithëve”, tha 41-vjeçari Alparslan Atas,

Në videot e tij , Peker bën akuza skandaloze.

Videot e postuara në kanalin YouTube janë shikuar më shumë se 50 milionë herë, duke shkaktuar trazira, dhe duke rritur shqetësimet mbi korrupsionin shtetëror në Turqi.

Videot e tij fillestare kishin në shënjestër ish-ministrin e brendshëm Mehmet Agar dhe djalin e tij, Tolga, një ligjvënës i partisë në pushtet, të cilin ai e akuzoi për përdhunimin e një studenteje të gazetarisë dhe më vonë e mbuloi vrasjen e saj si një vetëvrasje. Peker gjithashtu pretendon se një ish këshilltar i sigurisë i Erdogan – i cili akuzohet për udhëheqjen e një force paraushtarake – u kishte dërguar armë militantëve të lidhur me Al-Kaidën në Siri, raporton AP, transmeton Klankosova.tv.

Erdogan injoroi videot e Peker për javë të tëra, por theu heshtjen e tij në 26 maj, kur hodhi poshtë pretendimet e mëparshme nga udhëheqësi i mafias si një komplot kundër Turqisë.

Kurse autoritetet e shtetit turk kanë lëshuar një urdhër të ri për arrestimin e Peker.