Kandidati i pavarur për kryetar të Strugës, Mendi Qira, u vizitua nga kryeministri Hristijan Mickoski dhe zëvendëskryeministrit, Izet Mexhiti me të cilët shëtiti së bashku nëpër pazarin e Strugës dhe piu kafe pranë Drinit të Zi.
Qira tha se projektet e tij me të cilat kërkon votën e qytetarëve të Strugës në këto zgjedhje lokale synojnë ndryshime në komunë.
Ai tha se dita e sotme ishte një sinjal i mbështetjes që ai dhe Struga do të marrin nga Qeveria dhe të gjithë partnerët e koalicionit.
“Sot është një ditë e bukur, një vizitë e bukur në qytetin e bukur të Strugës. Besoj se për dy muaj e gjysmë, pra që para zgjedhjeve, fushata ishte e fokusuar në projekte për ndryshimin e Strugës. Me projektet tona, arritëm t’i afrohemi popullsisë, populli e pranoi dhe dha miratimin e tij, dhe arritëm një fitore bindëse ndaj kundërshtarëve tanë, të cilët nuk kishin projekte, por vetëm shpifje dhe kërcënime. Tani jemi në rrugën e duhur, duke marrë parasysh faktin se sot Kryeministri është këtu, së bashku me Zëvendëskryeministrin dhe të gjithë qeverinë, për të më mbështetur si kandidat për kryetar bashkie të Strugës, për të bërë një ndryshim që Struga ka nevojë. Një ndryshim që qyteti nuk e ka parë në 20 vitet e fundit. Shpresoj që në periudhën e ardhshme të bëjmë një ndryshim të madh, historik për qytetin tonë të Strugës”, tha Mendi Qyra, kandidat i pavarur për kryetar të Strugës./ Alsat.mk
Shqip