Shkruan: Driton Iseni
Se kuptoj dhe nuk mund ta kuptoj, edhe pas 23 viteve, si mund të jesh kaq i padrejtë. Përkrah protestat për UÇK-në në Kosovë, e tani më 17 ikën në Tiranë, lë këtu fushatën zgjedhore për t’i përkrahur protestat për ushtarët dhe UÇK-në, kur dihet botërisht se ti këtu në Maqedoni ish-pjesëtarët e UÇK-së të Kumanovës dhe Likovës, në vitin 2015, i le të presin 12 orë në shi pranë selisë së BDI-së në Reçicë dhe nuk i pranove në bisedime për t’i dëgjuar hallet që kishin.
Për 23 vite qeverisje absolute, me ministër të Drejtësisë, nuk arrite as gjysmën e një ligji ta sjellësh, së paku për dëshmorët e luftës apo invalidët, e jo për ushtarët të gëzojnë së paku ndonjë beneficion siç gëzojnë familjarët e branitellave.
Po si nuk pate bre pak fije turpi e morali, kur në fushatë, edhe pas 23 viteve, përmend UÇK-në? Çfarë bëre ti për ata? Cili fëmijë i dëshmorit të paktën shkollimin e ka pa pagesë?
Mjerim, ore mjerim, kur merr guximin të mbash fjalim për dëshmorët, invalidët dhe ish-pjesëtarët e Luftës së Lavdishme të vitit 2001, kur ti me shokët e tu dhe ministrat e drejtorët sot nuk ia dini skajin pasurisë dhe marrjes së miliardave euro, që dihen botërisht (shtëpi, banesa, vila, vetura), ndërsa edhe sot e kësaj dite ka invalidë që nuk mund të sigurojnë as bukën e gojës, kurse shoku im nuk mund ta sigurojë as protezën e këmbës që e humbi në vitin 2001.
Shqip