Në Maqedoninë e Veriut pritet të aplikohet koncepti i ri në arsim, sipas të cilit nxënësit do të qëndronin në shkollë nga ora 8:00 deri në 16:30, në kuadër të mësimit me një ndërresë dhe qëndrimit gjithëditor.
Përveç orëve të rregullta, dita do të jetë e mbushur me aktivitete interaktive, sport, seksione të ndryshme, mësimin e gjuhëve të huaja, si dhe kohë për kryerjen e detyrave të shtëpisë brenda shkollës.
Sipas strategjisë të ministrisë, ideja është që nxënësit t’i përfundojnë shumicën e obligimeve shkollore gjatë ditës, pa pasur nevojë të vazhdojnë me detyra shtëpie pas kthimit në shtëpi.
Në këtë mënyrë, orët e pasdites do t’i kushtoheshin familjes, pushimit dhe interesave personale.
Sipas paralajmërimeve, ky model do të mund të kontribuonte në rezultate më të mira arsimore dhe një ditë shkollore më të organizuar, por realizimi i tij do të varet edhe nga kushtet nëpër shkolla.(INA)
Shqip