Pas Arbër Gashit dhe Aida Birinxhikut në Parlamentin Suedez, Blerta Hoti po bëhet emri i tretë me prejardhje shqiptare që pritet të marrë një rol të rëndësishëm politik në Suedi.
Rezultatet e zgjedhjeve në Suedi kanë sjellë zhvillime të rëndësishme edhe për politikën lokale, ku një emër me prejardhje shqiptare pritet të marrë një rol të rëndësishëm në drejtimin e Göteborgut, transmeton albinfo.ch.
Bëhet fjalë për Blerta Hotin, e cila pas rezultatit të arritur nga blloku i saj politik është në prag të marrjes së një prej posteve më të rëndësishme në administratën e qytetit.
Göteborgu, qyteti i dytë më i madh në Suedi dhe një prej qendrave kryesore ekonomike e kulturore të vendit, mund të ketë së shpejti një figurë me prejardhje shqiptare në një rol të rëndësishëm drejtues.
Suksesi i Blerta Hotit vjen në një moment të veçantë për përfaqësimin politik të komunitetit shqiptar në Suedi. Në zgjedhjet e fundit, edhe në nivelin kombëtar, kandidatët me prejardhje nga Kosova kanë arritur rezultate të rëndësishme.
Në qarkun e Hallandit, Arbër Gashi dhe Aida Birinxhiku kanë siguruar vazhdimësinë e tyre në Parlamentin Suedez, Riksdag, duke ruajtur pozitat e tyre në listën e Partisë Socialdemokrate.
Por, krahas suksesit në parlamentin qendror, zhvillimi në Göteborg e vendos Blerta Hotin në qendër të vëmendjes.
Një hap i rëndësishëm për Blerta Hotin
Pozita që Hoti pritet të marrë në Göteborg do të përbënte një tjetër arritje të rëndësishme për përfaqësimin shqiptar në politikën suedeze, transmeton tutje albinfo.ch.
Rritja e saj në skenën politike lokale tregon gjithashtu për angazhimin e brezit të ri të politikanëve me prejardhje nga Kosova dhe trojet shqiptare, të cilët po marrin gjithnjë e më shumë përgjegjësi në institucionet suedeze.
Për një qytet me peshën dhe rëndësinë e Göteborgut, një rol i lartë në drejtimin e komunës do të ishte një përgjegjësi e madhe politike dhe një sukses i veçantë edhe për komunitetin shqiptar në Suedi.
Rënie e theksuar për Sverigedemokraterna
Një tjetër zhvillim që ka tërhequr vëmendje në këto zgjedhje është rezultati i Sverigedemokraterna (SD), partisë së djathtë populiste suedeze.
Sipas rezultateve të përmendura, SD ka siguruar 17.6 për qind të votave, duke humbur 10 vende në parlament.
Ky rezultat përbën një rënie të ndjeshme për partinë, ndërsa parashikimi i bërë më herët nga Blerta Hoti për rezultatin e saj, prej rreth 17.7 për qind, doli jashtëzakonisht afër rezultatit përfundimtar.
Një parashikim i tillë, sipas të dhënave të bëra publike nga ajo, nuk ishte dhënë nga asnjë institut suedez i sondazheve.
Zgjedhjet e fundit në Suedi kështu kanë sjellë disa zhvillime interesante për komunitetin shqiptar: nga ruajtja e mandateve në Parlamentin Suedez te avancimi i Blerta Hotit drejt një pozite të rëndësishme në Göteborg.
Nëse konfirmohet marrja e postit drejtues, Hoti do t’i bashkohej listës së figurave me prejardhje shqiptare që po arrijnë të kenë ndikim gjithnjë e më të madh në jetën politike dhe institucionale të Suedisë./Albinfo.ch
Shqip