Investimi është i një rëndësie të drejtpërdrejtë për rreth 251.500 banorë të rajonit të Pollogut dhe duhet të mundësojë më shumë shërbime të qasshme me nivel lokal, kohë më të shkurtër pritjeje dhe më pak udhëzime për mjekim në Shkup.
Projekt për rindërtim rrënjësor, zgjerim dhe pajisje të Spitalit Klinik të Tetovës u prezantua sot në prani të Ministrit të Shëndetësisë, dr. Sasho Klekovski, zëvendësministrit të Shëndetësisë, Jovica Andovski, drejtorit të Fondit për Sigurim Shëndetësor, Zlatko Perinski, kryetarit të Komunës së Tetovës, Bilal Kasami, dhe drejtorit të Spitalit Klinik të Tetovës, dr. Erzen Elezi, të cilët së bashku me një delegacion të Bankës Botërore dhe përfaqësues të Ministrisë së Shëndetësisë sot vizituan Spitalin Klinik të Tetovës.
Vlera e parashikuar e investimit të planifikuar kap shifrën prej 4,56 miliardë denarësh, transmeton portali Lideri.mk, përkatësisht afërsisht 74 milionë euro, ndërsa modeli përfundimtar financiar do të përcaktohet pas përfundimit të analizave dhe procedurave të nevojshme.
Projekti parashikon rindërtimin dhe modernizimin e bllokut kirurgjik dhe atij internistik, ndërtimin e një pavijoni të ri për disa veprimtari mjekësore, një objekt të veçantë për gjinekologji, akusherie dhe neonatologji, furnizimin me pajisje bashkëkohore mjekësore dhe sisteme IT, si dhe largimin e meve të amortizuara dhe rregullimin e plotë të kompleksit spitalor./Lideri.mk
Shqip