Shkup, 28 maj – Kryetari i Qytetit të Shkupit, Orce Gjorgjievski, deklaroi se është rishpallur procedura për 100 autobusë dhe pritet të përfundojë me sukses, paralelisht me planet për vendosjen e sistemit të shpejtë autobusësh (BRT).
“Sot është rishpallur procedura për 100 autobusë, shpresoj sinqerisht se këtë herë do të jetë e suksesshme. Që qyteti të mos varet vetëm nga pushteti qendror, qeveria do të sigurojë 100 autobusë, por shumë shpejt unë do të filloj projektin BRT, për të cilin qyteti do të sigurojë 40 autobusë”, tha Gjorgjievski.
Lidhur me zbatimin e sistemit BRT, ai sqaroi se procedurat administrative pritet të përfundojnë deri në fund të vitit. “Procedurat duhet t’i përfundojmë deri në fund të këtij viti, le të hedhim themelet vitin tjetër”, tha kryetari i Qytetit tël Shkupit gjatë një paraqitjeje në Televizionin Kanal 5.
Lidhur me situatën në qytet që e gjeti, Gjorgjievski deklaroi se kontrollet tashmë po kryhen nga institucionet kompetente dhe se do të ketë përgjegjësi. “Për momentin ka një revizion dhe policia financiare dhe institucione të tjera po merren me raste të caktuara në Qytetin e Shkupit, mendoj se do të ketë përgjegjësi”, tha ai, duke shtuar se bashkëpunimi me pushtetin qendror është i koordinuar.
Duke folur për higjienën komunale, Gjeorgjievski theksoi se ka përfunduar procedura e tenderit për blerjen e 40 kamionëve, disa prej të cilëve janë cisterna për larjen e rrugëve, dhe shtoi se po vendoset në përdorim një sistem i ri transporti mbeturinash me stacione transferimi. “Kemi dy stacione transferimi, në vend të kamionëve që shkojnë nga Gjorqe në Drislla, mbeturinat do të depozitohen nga kamionë të zakonshëm në kamionë transferimi që më pas do të shkojnë në Drislla”, tha ai.
Sipas tij, rezultatet duhet të ndihen në periudhën e ardhshme, kurse në fazën e vlerësimit, siç tha ai, sigurimi i 2.600 kontejnerëve është gjithashtu në proces.
Lidhur me deponinë ilegale Vardarishte, Gjorgievski përsëriti se zona do të shndërrohet në një park dhe se pastrimi tashmë ka filluar.
“Unë qëndroj pranë asaj që thashë se do të jetë një park, kemi filluar pastrimin e mbeturinave sipërfaqësore, tha ai, duke shtuar se ndotësit industrialë duhet të zhvendosen jashtë zonave të banuara.
Gjorgievski u ndal edhe në situatën me teleferikun e Vodnos, i cili aktualisht nuk është në funksion, duke shpjeguar se është kryer një inspektim i detajuar për arsye sigurie parandaluese.
Ai informoi se janë identifikuar probleme teknike.
Lidhur me luna parkun, theksoi se është zgjedhur një kontraktor dhe se projekti duhet të përfundojë deri vitin e ardhshëm.
Shqip