Afrim Gashi sonte qëndroi në Uskanë / Gashi: Mërgata është pjesa e pandashme e jona – ejani më 17 tetor ta bëjmë ndryshimin

Sonte, koalicioni Alternativa & Aleanca për Shqiptarët, qëndruan në Uskanën legjendare – komuna e Kërçovës, ku në një atmosferë festive u mbajtë tubimi qendror i koaliconit opozitar për zgjedhjet lokale të 17 tetorit.
Në fjalën e tij para simpatizantëve të koalicionit AAA-ASH, kryetari u Alternativës, Afrim Gashi, u shpreh me këto fjalë:”Mërgata është pjesa më e rëndësishme e kombit tonë, veçanërisht mërgata e Kërçovës. Mërgata kërkoi nga ne bashkimin dhe ne u bashkuam. Mërgata është pjesa e pandashme e jona. Më 17 tetor ta shënojmë fitoren historike të shqiptarëve të Maqedonisë së Veriut. Oferta jonë e 17 tetorit është ofertë për ndryshim”, përfundoi Gashi.