Një incident i rëndë është regjistruar mbrëmjen e sotme në Tetovo, pranë Shkolla e Mesme Medicinale e Tetovës, ku një konflikt mes dy të rinjve për një vendparkim ka përfunduar me plagosje të rëndë.
Sipas informacioneve fillestare, debati verbal mes tyre ka eskaluar në përleshje fizike, gjatë së cilës janë përdorur edhe mjete të mprehta. Si pasojë, njëri nga të rinjtë ka pësuar lëndime të rënda trupore dhe është transportuar me urgjencë në Spitali Klinik i Tetovës, ku po trajtohet në gjendje të rëndë shëndetësore.
Personi tjetër i përfshirë në incident është arrestuar nga policia dhe ndaj tij pritet të nisin procedurat përkatëse ligjore.
Autoritetet policore nga SPB Tetovë kanë nisur hetimet për të zbardhur plotësisht rrethanat e ngjarjes, ndërsa në orët në vijim priten edhe informacione zyrtare lidhur me rastin.(INA)
Shqip