Shkup, dasmorët shpëtuan, restoranti u dogj

Flakët që kapluan kuzhinën e restorantit “Ragusa360”, e ndërprenë në mes dasmën që po bëhej në këtë ambient që ndodhet në çatinë e garazhit me kate “26 korriku” në Shkup.
Dasmorët në kohë u evokuuan bashkë me personelin.
Në ndihmë erdhën edhe zjarrfikësit që me shkallën lëvizëse arritën deri tek kulmi i garazhit.

“Gjëja më e rëndësishme për ne është parandalimi i një zjarri pa pasoja. Fillimisht, ndërhyrja ishte kërkimi i hapësirës, ​​garazhit shumëkatësh, restorantit. Një grua kishte kërkuar ndihmë, por tashmë ka shkuar në shtëpi. Zjarri shpërtheu në mes të një dasme dhe nga ajo që mund të vërehet fillimisht ai ndodhi në instalim. Ne ndërhymë me 10 kamionë zjarrfikës, 30 persona”, tha Tomevski.
Zjarrfikësit para se të ndërhynë për shuarjen e zjarrit në këtë lokal kishin ndërhyrje edhe në një lokacion tjetër. Ata thonë se të dyja misionet u kryen me sukses.

“Kishte një problem sepse në kohën e alarmit për ndihmë, ne kishim ndërhyrjen në lagjen e Dizhonit në një magazinë me ngjyra, dhe prej andej menjëherë u nisëm këtu dhe përfunduam me sukses ndërhyrjen. Zjarri u përhap në rreth 150-200 metra katrorë” shtoi Tomevski.

Për fat të mirë nuk pati dasmorë të lënduar, ndërsa zjarri shkaktoi vetëm dëme materiale./TV21