330 gjoba në rrugën Shkup-Ohër për tejkalim shpejtësie

Gjatë ditëve të fundit Ministria e Brendshme ka kryer kontrolle të intensifikuara në trafik rrugët Shkup-Ohër-Shën Naum, ndërsa gjatë ditës së djeshme (10.04) janë gjobitur 330 shoferë për tejkalim shpejtësie. Kështu, 21 shoferë vozitën me deri në 70 kilometra në orë mbi kufirin e shpejtësisë. Ndërsa 124 me një shpejtësi prej mbi 50 kilometra në orë mbi kufirin e shpejtësisë. Kontrollet e intensifikuara vazhdojnë sot dhe në ditët në vijim, ndërsa është e qartë se ka një rënie të numrit të aksidenteve të trafikut në periudhën kur zbatohen këto kontrolle.