Nën siguri të fortë policore dhe në prani të kryetarit të Komisionit Shtetëror Zgjedhor, Aleksandar Dashtevski dhe anëtarëve të tjerë të KSHZ-së, mëngjesin e sotëm është shpërndarë materiali i votimit për zgjedhjet presidenciale nga shtypshkronja “Kiro Dandaro” në Manastir, në 80 komisionet komunale zgjedhore. Për zgjedhjet presidenciale janë shtypur gjithsej 1.814.000 fletë votimi, po aq votues janë regjistruar në Listën zgjedhore.
“Procesi i bërjes së materialit konfidencial zgjedhor zgjati rreth 10 ditë. Puna është bërë çdo ditë për 24 orë nën monitorimin 24 orësh të Komisionit Shtetëror të Zgjedhjeve dhe OSBE-së. U shtypën rreth 1.800.000 fletëvotime. Në vetë fletvotimin gjenden rreth 20 vula mbrojtëse, të cilat më parë ishin dakorduar në dokumentacionin e tenderit me KSHZ-në. Ato janë të printuara në një makinë gjermane të cilësisë së lartë. Shpërndarja e materialit zgjedhor bëhet sipas protokollit të dakorduar paraprakisht me KSHZ-në dhe të gjitha njësitë zgjedhore në vend dhe jashtë vendit.”, tha drejtori i shtypshkronjës “Kiro Dandaro”- Manastir, Pece Milloshevski.
“Sot erdhëm në Manastir për të marrë materialin konfidencial zgjedhor. Kemi 17 ekipe që ajo të vendoset më me sukses dhe të shpërndahet më shpejt në Komisionet Komunale Zgjedhore. Është një nga aksionet e fundit para zgjedhjeve. Para nesh mbetet veprimi më i rëndësishëm – dorëzimi i materialit zgjedhor në komisionet komunale zgjedhore, në këshillat zgjedhorë, i cili është shumë i ndjeshëm dhe duhet të kryhet në mënyrën më të mirë, sepse mund të shkaktojë përgjegjësi në komisionet komunale zgjedhore. Kemi zbatuar të gjitha veprimet e tjera nga afatet e parapara. Shtypja e materialit zgjedhor ishte në rendin më të mirë. Ekipi ynë i udhëhequr nga menaxherët e ka kontrolluar çdo ditë për 24 orë dhe e njëjta gjë ka ndodhur sipas Listës Zgjedhore.”, tha kryetari i KSHZ-së, Aleksandar Dashtevski.
Jakimovski njoftoi se materiali tani më është dërguar edhe në vendvotimet në diasporë./TVM2
