Koalicioni VLEN prezantoi programin përpara banorëve të Gostivarit. Kandidati për numrin një të kësaj komune, Sebaudin Dauti tha se pas 8 vitesh keqmenaxhim, mungesë transparence, mbeturinash në rrugë e qenë endacak gjithandej, banorët e Gostivarit tanimë e kanë mundësinë të bëjnë ndryshimin me votën e tyre. Ai tha se nëse e merr besimin e qytetarëve, do të sigurojë ujë për pije, rrugë të rregulluara dhe kthim të dinjitetit për qytetarët.
“Por sot, nga ky shesh, ne po e japim mesazhin më të fortë, koha e tyre ka mbaruar, e ardhmja e Gostivarit sapo fillon, ne nuk vijmë me fjalë boshe, ne vijmë me plan, me vizion, me program të qartë, të ndërtuar mbi shtylla të forta mbi të cilat do ta ngremë Gostivarin, dinjitetit, zhvillimit dhe shpresës. Infrastrukturë moderne dhe transport i qëndrueshëm, rrugë që lidhin jo që ndajnë, rrugë që zhvillojnë, jo që turpërojnë, ujësjellës, kanalizim dhe menaxhim i ujërave”, tha Sebaedin Dauti, kandidati për kryetar të Gostivarit. /Aksat.mk
Shqip