Zbulohet plani sekret i ushtrisë serbe kundër Shqipërisë dhe Kosovës

Udhëheqja shtetërore serbe, e drejtuar nga presidenti dhe komandanti suprem Aleksandar Vuçiç, miratoi një dokument strategjik sekret për zhvillimin afatgjatë të ushtrisë. Sipas kësaj strategjie, e cila për herë të parë në dy dekadat e fundit përcakton saktësisht drejtimet e zhvillimit të sistemit të mbrojtjes serbe, në dokument theksohet “ushtria jonë duhet të jetë më e fortë se të gjitha forcat e tjera të armatosura potencialisht armiqësore në rajon të marra së bashku”.

“Analizat tregojnë se tani jemi në rreth 65-70% të fuqisë në raport me forcat e armatosura të kombinuara të Kroacisë, Bosnjës, Shqipërisë dhe Kosovës. Megjithatë, u arrit në përfundimin se kjo nuk është mjaft e mirë dhe strategjia e re synon ta sjellë ushtrinë serbe në të paktën 110% të fuqisë ushtarake në zonë në vitet e ardhshme” shkruan “Kosova ime”.

“Vetëm nëse ushtria serbe është në gjendje të zmbrapsë sulmet në çdo kohë dhe të neutralizojë me vendosmëri dhe në mënyrë efektive kërcënimin nga të gjitha drejtimet, nga të gjitha vendet potencialisht armiqësore në rajon, mund të themi se ekziston një garanci afatgjatë për paqen dhe stabilitetin.

Vetëm nëse agresorët e mundshëm e dinë se sulmet e tyre do të zmbrapsen sa më shpejt që të jetë e mundur dhe në të njëjtën kohë do të shkaktojnë humbje disproporcionale të mëdha në fuqi punëtore dhe pajisje, Serbia mund të planifikojë zhvillimin shtetëror dhe shoqëror në planin afatgjatë.

Prandaj vlerësohet se është e nevojshme që ushtria serbe të arrijë 110% të fuqisë, teknike dhe personel të të gjitha forcave të armatosura potencialisht armiqësore në rajonin tonë”, thuhet ndër të tjera në draft dokumentin strategjik, publikuar nga Informer.