MPB ka dhënë detaje në lidhje me ngjarjen në Kavadar, ku një person humbi jetën gjatë një përleshje para një kazinoje. Siç njoftojnë nga MPB, sot (27.08.2025) në orën 04:56 në Departamentin e Policisë së Kavadarit, u raportua se në hyrjen e pasme të një kazinoje në rrugën “Nikola Minçev” në Kavadar, disa persona sulmuan fizikisht një person, i cili ra në tokë dhe kërkoi ndihmë.
“Zyrtarët policorë të Departamentit të Policisë së Kavadarit shkuan në vendngjarje dhe përcaktuan se personi në fjalë ishte P.T. (43) nga Kavadari, i cili, pavarësisht ndihmës së ofruar, u shpall i vdekur nga ekipi i Shërbimeve të Ndihmës së Shpejtë Mjekësore në orën 05:15”.
“Menjëherë pas kësaj, dhe për shkak të dyshimit për përfshirje në incident, D.B. (26), M.G. (35) dhe D.S. (27), të gjithë nga Kavadari, u privuan nga liria. Ata u ndaluan dhe u mbajtën në stacion policor”, thonë nga MPB.
Një prokuror publik nga Prokuroria Themelore Publike e Kavadarit dhe zyrtarë policorë po kryejnë inspektimin e vendit të ngjarjes, kamerave të mbikëqyrjes së kazinosë, dhe pas sqarimit dhe dokumentimit të plotë të rastit, kundër autorëve do të ngrihen akuza përkatëse.
Shqip