Sinjalet pozitive për uljen e tensioneve në Lindjen e Mesme po vazhdojnë të ndikojnë në tregun botëror të naftës, ku çmimet e naftës së papërpunuar po shënojnë rënie. Analistët nuk e përjashtojnë mundësinë që ky trend të vazhdojë edhe gjatë muajve në vijim.
Sipas gazetës britanike The Guardian, ekspertët e Citigroup parashikojnë se çmimi i naftës së tipit Brent mund të bjerë në rreth 60 dollarë për fuçi deri në fund të këtij viti, niveli më i ulët që nga janari.
Ndërkohë, çmimi i naftës Brent ka pësuar tashmë një rënie të ndjeshme, nga 126 dollarë për fuçi në fund të muajit prill në rreth 72 dollarë aktualisht.
Në bursën e Londrës, një fuçi naftë u tregtua me 78 cent më lirë krahasuar me mbylljen e mëparshme, duke arritur në 70.79 dollarë. Në tregun amerikan, çmimi ra me 90 cent, në 67.68 dollarë për fuçi.
Sipas mediave britanike, një faktor shtesë që po ndikon në stabilizimin e tregut është rifillimi i ngarkimit të naftës në terminalin Ras Tanura në Arabinë Saudite, pasi Shtetet e Bashkuara dhe Irani kanë vendosur një kornizë bisedimesh me synim përfundimin e konfliktit.
Shqip