Ndërmarrja “Ujësjellës dhe Kanalizime” u ka bërë thirrje qytetarëve që ta përdorin ujin e pijshëm në mënyrë racionale, për shkak të konsumit ditor jashtëzakonisht të lartë që tejkalon 350 mijë metra kub. Nga ndërmarrja paralajmërojnë se kjo gjendje po e rrezikon seriozisht stabilitetin e sistemit të furnizimit me ujë, i cili tashmë funksionon me presion të ulur, ndërsa disa pjesë të qytetit përballen me ndërprerje të përkohshme të ujit. “Veçanërisht gjatë periudhës së verës, shpenzimi i pakontrolluar i ujit – për ujitjen e lëndinave dhe oborreve, ftohjen e rrugëve dhe të ngjashme – paraqet rrezik serioz për funksionimin normal të sistemit”, theksojnë nga NP Ujësjellës dhe Kanalizime.
Shqip